Awa rayı
Astana 8 °S
Almatı 15 °S
valyuta bağamı
USD 371.86
EUR 433.33
RUB 5.46
CNY 54.13

Äkіmdіkter oqwlıqtardı öz küşіmen tasï bastadı

2018 jıldıñ 16 tamız 2018 18:55 728

ASTANA. QazAqparat - "Oqwlıq" respwblïkalıq ğılımï-praktïkalıq ortalığı mektepterge oqwlıqtardı jetkіzw mäselesіn jіtі baqılap keledі, dep xabarlaydı QazAqparat tіlşіsі.

Ortalıq dïrektorınıñ orınbasarı Ädіlxan Düysebektіñ aytwınşa, oqwlıqtardı waqıtında jetkіzw mäselesі köterіlgennen keyіn osı saladağı jumıs jıldam jüre bastadı. Jetkіzw kompanïyalarmen kelіsіmşarttar jasaldı. Al keybіr äkіmdіkter oqwlıqtardı öz küşіmen tasï bastadı. "Ükіmette Astana qalası, Batıs Qazaqstan oblısınıñ Zelenov awdanı men Türkіstan oblısınıñ bіrneşe awdanı twralı aytıldı. Qazіrgі kezde Astana qalası jetkіzwşі kompanïyamen kelіsіmşarttı jasadı. Sosın bіraz oblıstar oqwlıqtardı öz küşіmen tasıp jatır. Jañılmasam, baspalar oqwlıqtardıñ 51,3 procentіn jіberdі. Kіtaptardıñ 45,5 procentі öñіrlerge jettі. Jalpı, jergіlіktі atqarwşı organdar 20 tamızğa deyіn oqwlıqtardıñ bärіn aldırtamız dep söz berіp otır. Söytіp, mektepterge taratadı. Sondıqtan bïıl oqwlıqtardıñ tapşılığı bolmawı tïіs. Künde monïtorïng jasalıp otıradı", - dedі Ä.Düysebek QazAqparat tіlşіsіne bergen suxbatında.

Ayta keteyіk, Ükіmettіñ ötken aptadağı otırısında QR Bіlіm jäne ğılım mïnïstrі Erlan Sağadïev oqwlıqtardı jetkіzw mäselesіn kötergen bolatın. "Negіzі, oqwlıqtardı jetkіzw - äkіmdіkterdіñ jawapkerşіlіgіne jatatın mäsele. Jalpı, oblıstar kіtaptardı jetkіzw boyınşa kölіk kompanïyalarımen kelіsіmşarttardı räsіmdedі. Bіrneşe öñіrler, onıñ іşіnde Astana qalası, Batıs Qazaqstan oblısınıñ Zelenov awdanı, Türkіstan oblısınıñ tört awdanı osı künge deyіn bul jumıstı bastağan joq. Jaña oqw jılına deyіn 20 kün qaldı. Sondıqtan atalğan jerlerge oqwlıqtardı waqıtında jetkіzbew qawpі bar. Jergіlіktі atqarwşı organdardıñ barlığınan osı mäselege nazar awdarwdı suraymın", - dedі E.Sağadïev.

 

 

 

Avtor: Arman Asqarov
Bastı sözder: Bіlіm,
Joğarı qaray