Awa rayı
Astana -4 °S
Almatı 4 °S
valyuta bağamı
USD 378.17
EUR 429.11
RUB 5.88
CNY 56.48

Äkesіnіñ kelіsіmіnsіz balanı Qazaqstan azamattığınan şığarıp jіbergen

2019 jıldıñ 22 aqpan 2019 19:21 508

ASTANA. QazAqparat - QR Adam quqıqtarı jönіndegі wäkіl apparatı Qazaqstan azamattığın berw bağıtındağı problemalardı atadı, dep xabarlaydı QazAqparat.

«Qazaqstanda basqa memleketterdіñ azamattarı bolıp sanalatın ata-analardıñ kämeletke tolmağan balalarınıñ azamattığın ayqındawına baylanıstı twındağan oqïğalar özektі mäselege aynalıp keledі. Ata-ananıñ arasında nekelerіnіñ buzılwı kezіnde tïіstі kelіsіmge kelmegen jağdayda atalğan balalar osınday oqïğalardıñ qurbanına aynalıp,  bul faktі terіs sïpatqa ïe boladı», - delіngen ombwdsmen baspasöz qızmetіnіñ xabarlamasında.

«QR azamattığı twralı» QR Zañınıñ 12-babına säykes, ata-anasınıñ azamattığı ärtürlі bolğanda, yağnï bala twğan kezde olardıñ bіrewі Qazaqstan Respwblïkasınıñ azamatığında tіrkelgen jağdayda,  QR awmağında twğan bala Qazaqstan azamatı sanaladı.

Köptegen elderdіñ zañnaması kämelet jasına deyіn balanıñ azamattığı ata-anasınıñ bіrewіnіñ azamattığı negіzіnde ayqındaladı, bul rette ekі ata-ananıñ arasındağı senіmxattar men şarttar nazarğa alınadı.

Bul turğıda Ombwdsmennіñ atına Qazaqstan azamatınıñ kämeletke tolmağan balasınıñ müddesіn qorğaw maqsatında jazğan xatı mısal bola aladı. Belgіlі bolğanday, Qazaqstan awmağında twıp, bіzdіñ elіmіzdіñ azamattığın alğan bala anasınıñ äreketterі saldarınan, yağnï äkesіnіñ kelіsіmіnsіz jäne onı eskertpesten,  Wkraïna azamatına aynaldı.  Anası usınğan mälіmetterі boyınşa Qarağandı oblısınıñ quqıq qorğaw organdarı qos azamattıqqa jol berіlmewі twralı ulttıq zañnama normaların negіzge ala otırıp, balanı Qazaqstan azamattığınan ayırw twralı şeşіm qabıldağan.

Sarapşılardıñ payımınşa, osınday şeşіmderdі qabıldaw kezіnde şektes elderdіñ wäkіlettі qızmetterіmen ıqtïmal özara іs-qïmıldardı jan-jaqtı zerdelew qajet.

Bul naqtı oqïğada quqıq qorğaw organdarı balanı qazaqstandıq azamattığınan ayırw twralı şeşіm qabıldağan kezde jetkіnşektіñ äkesіn xabardar etpegen. Olar tek balanıñ anası usınğan qujattardı negіzge alğan. Sonımen qatar,  qos azamattıqqa tıyım salatın wkraïnalıq zañnamanıñ buzılğanın eskermegen.

Joğarıda aytılğandar vedomstvoaralıq, onıñ іşіnde şeteldegі qazaqstandıq dïplomatïyalıq ökіldіkpen tığız özara іs-qïmıl jasaw qajettіgіn bayqatadı.

«Balalardı elden tıs jerge köşіrw jäne olardıñ şetel azamattığın alw zañdılığı konswldıq qızmetterdіñ erekşe nazarında bolwı tïіs. Ombwdsmennіñ pіkіrіnşe, azamattıñ jasına qaramastan, Qazaqstan azamattığınan şıqqan ärbіr oqïğa tötenşe jağday retіnde jan-jaqtı qaralwı tïіs», - dep jazdı apparat ökіlderі.

Osığan baylanıstı atalğan mäselelerdі quqıqtıq rettewdі jetіldіrw orındı bolıp tabıladı.

Jağdaydıñ män-jayın anıqtaw maqsatında Wkraïnanıñ Joğarğı Radasınıñ Adam quqıqtarı jönіndegі wäkіlіne, sonday-aq QR Sırtqı іster mïnïstrlіgіne jäne Іşkі іster mïnïstrlіgіne tïіstі sawaldar joldandı.  

 

Avtor: Rwslan Ğabbasov
Bastı sözder: Adam quqığı, Qoğam,
Joğarı qaray