Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

«Aq jol» partııasynan saılaýǵa túsetin kandıdat belgili boldy

2019 jyldyń 24 sáýir 2019 18:19

NUR-SULTAN. QazAqparat - Búgin «Aq jol» demokratııalyq partııasynyń kezekten tys XV quryltaıy Danııa Espaevany resmı túrde prezıdenttikke úmitker retinde bekitti, dep habarlaıdy QazAqparat tilshisi.

Quryltaı delegattary qupııa daýys berý arqyly óz tańdaýyn jasady. Buǵan deıin «Aq jol» partııasynyń atynan 6 adam prezıdent saılaýyna qatysýǵa nıetti bolǵan. 13 sáýirde «Aq jol» partııasy Ortalyq keńesiniń plenýmy prezıdent saılaýyna úmitkerlerdi anyqtaı almady.

Osy ýaqytqa deıin tórt adam - Óskemen qalalyq máslıhatynyń depýtaty Qýat Rahymberdın, Taraz qalalyq máslıhatynyń depýtaty Asan Qoshmambetov, Atyraý oblystyq fılıalynyń ókili Serik Erýbaev jáne SKO fılıalynyń tóraǵasy Evgenıı Kıntsel óz kandıdatýrasyn usynǵan bolatyn.

Bertin kele olarǵa QR Parlament Májilisiniń depýtaty Danııa Espaeva men Qazaqstan Qurylysshylar odaǵynyń tóraǵasy Talǵat Erǵalıev qosyldy. Búgin barlyq úmitkerler ózderiniń beınebaıanyn kórsetip, saılaýaldy ustanymdaryn jarııalady. Sondaı-aq, delegattardyń suraqtaryna jaýap berdi.

Al daýys berý kezinde 190 delegattyń 49,5 protsenti depýtat Danııa Espaevanyń kandıdatýrasyn qoldady. Biraq kandıdattyń daýysy 50 protsentten asýy kerek.

Osydan keıin prezıdıým músheleri keńesip, ekinshi týrdy ótkizbeý jóninde sheshim qabyldady. Sebebi D.Espaevanyń basymdyǵy aıqyn boldy. Delegattar atalǵan sheshimdi qoldady. Sóıtip, Danııa Espaeva partııanyń atynan prezıdent saılaýyna kandıdat retinde bekitildi.

Avtor Arman Asqarov
Basty sózder: Saılaý, Partııalar, Saılaý 2019,
Joǵary qaraı