Aýa raıy
Astana 5 °S
Almaty 11 °S
valıýta baǵamy
USD 389.81
EUR 430.27
RUB 6.06
CNY 54.91

«Aq jol» partııasynan prezıdenttikke úmitker anyqtalady

2019 jyldyń 24 sáýir 2019 07:05

NUR-SULTAN. QazAqparat - Búgin elordada saǵat 15:00-de «Aq jol» demokratııalyq partııasynyń kezekten tys XV quryltaıy ótedi, dep habarlaıdy QazAqparat partııanyń baspasóz qyzmetine silteme jasap.

«2019 jyly 24 sáýir kúni Qazaqstannyń «Aq jol» demokratııalyq partııasynyń kezekten tys XV quryltaıy ótedi. Quryltaı 2019 jyldyń 9 maýsymyndaǵy prezıdenttik saılaýǵa qatysý jáne partııa atynan úmitkerlerdi usyný máselelerin qarastyrady», - delingen habarlamada.

Buǵan deıin «aqjoldyqtar» Memleket basshysynyń merziminen buryn prezıdenttik saılaý jónindegi bastamasyn qoldaǵan bolatyn.13 sáýirde Qazaqstannyń Demokratııalyq partııasy Ortalyq Keńesiniń plenýmy ótti.

«Jarǵyǵa sáıkes, partııanyń saılaýǵa qatysýy jáne prezıdent saılaýyna úmitkerlerdi usyný týraly sheshimdi tek joǵarǵy organ - sezd qabyldaıdy. Osyǵan baılanysty, Ortalyq keńestiń plenýmy sezdiń ótetin kúnin 24 sáýirge belgiledi. Sondaı-aq, delegattar ókildikteriniń normasyn bekitip, uıymdastyrý máseleleri boıynsha birqatar qaýly qabyldady» delingen habarlamada.

Eske sala ketsek, 9 sáýirde respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev elimizdiń Konstıtýtsııasyna sáıkes QR Prezıdentiniń kezekten tys saılaýyn 2019 jyldyń 9 maýsymynda ótkizý jóninde sheshimin jarııalady.

Joǵary qaraı