Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

AІVA Halyqaralyq Olımpıada komıtetiniń músheliginen shyǵaryldy

2019 jyldyń 23 mamyr 2019 09:12

NUR-SULTAN. QazAqparat - Halyqaralyq boks qaýymdastyǵyn (AІVA) Halyqaralyq Olımpıada komıtetiniń músheliginen shyǵaryp jiberdi, dep habarlaıdy olympic.kz HOK baspasóz qyzmetine silteme jasap.

Bul sheshim Halyqaralyq Olımpıada komıtetiniń (HOK) múshesi Nenad Lalovıch basqarǵan arnaıy Tergeý komıssııasynyń usynym boıynsha qabyldandy. Tekserý komıssııasy quramyna HOK múshesi Rıchard L. Karrıon jáne Sportshylar komıssııasynyń jetekshisi Emma Terho engen.

HOK atqarýshy komıteti AІVA-daǵy qarjy, basqarý, etıka jáne tóreshilik suraqtaryn sheshý maqsatymen 2018 jyldyń 30 qarashasynda arnaıy komıssııa qurǵan bolatyn. Uıymdaǵy sheshimin tappaǵan máseleler 2017 jyly anyqtalyp, búginge deıin qatal túrde baqylandy. Biraq atalǵan suraqtardy oıdaǵydaı sheshý máselesi baıqalǵan joq.

HOK atqarýshy komıteti máseleni egjeı-tegjeıli teksere kele, boksty 2020 jylǵy Tokıo Olımpıadasynyń sporttyq baǵdarlamasynda qaldyrýdy jón dep sheshti. Tokıodaǵy boks básekesi men barlyq irikteý syndary HOK bekitken negizgi qaǵıdalar aıasynda ótýi tıis.

Eger joǵaryda atalǵan sheshim 2019 jyldyń maýsymynda ótetin HOK sessııasynda maquldansa, 2020 jylǵy Tokıo Olımpıadasynda bokstan 286 sportshy baq synaıdy. 8 erler jáne 5 áıelder salmaǵynda jarys ótkizilip, jeńimpazdar anyqtalady.

Sondaı-aq, Atqarýshy komıtet HOK múshesi jáne Halyqaralyq gımnastıka federatsııasynyń prezıdenti Morınarı Vatanabeniń basshylyǵymen maqsatty top qurdy. Onyń quzyreti tómendegideı:

1. Sporttyń barlyq salasyndaǵy genderlik teńdikti kóterý maqsatynda bokstan kelesi jarystardy ótkizý:

a. 2020 jyldyń qańtary men mamyry aralyǵynda ótetin bokstan 2020 jylǵy Tokıo Olımpıadasyna irikteý jarystary;

b. Tokıo Olımpıadasyndaǵy boks týrnıri

2. 2019 jylǵy maýsym aıynyń sońyna deıin Tokıo Olımpıadasyna irikteý júıesin ázirleý:

a. Erler men áıelder arasyndaǵy salmaq dárejelerin anyqtaý;

b. Genderlik teńdikti kóterý maqsatynda boks básekesine kvota taratý;

v. Іrikteý syndaryna kvota taratý talaptaryn ornatý.

HOK 2020 jyldyń qańtary men mamyry aralyǵynda ótetin olımpıadaǵa irikteý týrnırine arnalǵan jańa kúntizbe ázirleıdi.

Al AІVA-ny HOK músheligine qaıtarý máselesi 2020 jylǵy Tokıo Olımpıadasynan keıin qaıta qaralady.

«Búgingi másele sportshylar men jalpy bokstyń keleshegi úshin qabyldady. Biz sportshylardyń armanyna baltaı shappaı, olardyń 2020 jylǵy Olımpıada oıyndarynda óner kórsetkenin qalaımyz. Alaıda, AІVA Tergeý komıtetiniń sheshiminen keıingi saldar týraly oılaný qajet», - dedi HOK prezıdenti Tomas Bah.

Basty sózder: Boks,
Joǵary qaraı