Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

AIBA prezıdenti otstavkaǵa ketetinin málim etti

2019 jyldyń 23 naýryz 2019 02:11

ASTANA. QazAqparat - Halyqaralyq boks qaýymdastyǵynyń (AIBA) prezıdenti otstavkaǵa ketetinin málim etti, dep habarlaıdy QazAqparat.

Gafýr Rahımovtyń málimdemesi 22 naýryz kúni aiba.org saıtynda jarııalandy.

Onda AIBA basshysy «oǵan qarsy qoldan jasalǵan aıyptaýlardyń» shyndyqqa janaspaıtynyn, olar «saıası ýájdi jalǵandyqqa» negizdelgenin atap ótken. «Degenmen, men boksqa jáne sportshylarǵa qyzmet etý úshin barlyǵyn jasaýǵa mindettimin», - dedi ol.

Gafýr Rahımov Halyqaralyq olımpıadalyq komıtettiń (HOK) onyń kandıdatýrasyna qarsy aıtqan kúdikteri, eskertýleri, tipti ýltımatýmdaryna qaramastan, 2018 jyldyń qarashasynda Halyqaralyq boks qaýymdastyǵynyń prezıdenti bolyp saılanǵan edi. Saılaý Máskeýdegi kongress barysynda ótti. Máselen, Rahımov halyqaralyq qylmystyq uıym kóshbasshylarynyń biri retinde AQSh Qarjy mınıstrliginiń sanktsııalyq tizimine engizilgeni aıtylǵan edi.

Halyqaralyq olımpıadalyq komıtet Rahımovti prezıdenttik laýazymǵa usyný bokstyń olımpıadalyq baǵdarlamasyna keri yqpalyn tıgizýi múmkindigin birden aıtqan bolatyn. HOK saılaýdan keıin AIBA-men barlyq qarym-qatynasyna toqtaý qoıyp, olımpıadalyq boks baǵdarlamalaryn qarjylandyrýdy doǵardy. Sondaı-aq 2020 jylǵy Tokıo Olımpıadasyna boksshylardy irikteý baǵdarlamasyn toqtatty.

AIBA prezıdentiniń 22 naýryz kúngi mádimdemesinde atap kórsetilgendeı, apta sońynda Uıymnyń atqarýshy komıtetiniń otyrysy shaqyrylatyn bolady. Onda onyń otstavkaǵa ketýi jáne ýaqytsha prezıdentti tańdaý máselesi qaralady.

Avtor Mıra Tólendiqyzy
Basty sózder: Sport,
Joǵary qaraı