Aýa raıy
Astana 18 °S
Almaty 14 °S
valıýta baǵamy
USD 386.82
EUR 428.67
RUB 5.86
CNY 54.95

Ádilhan Makınniń vokaldyq qabileti qandaı – maman pikiri

2019 jyldyń 17 shilde 2019 15:16 310

NUR-SULTAN. QazAqparat – T. Júrgenov atyndaǵy Qazaq ulttyq óner akademııasynyń oqytýshysy ıAnıs Kaısıdı «Slavıan bazarynda» bas júlde alǵan Ádilhan Makınniń vokaldyq qabiletine baǵa berdi, dep habarlaıdy QazAqparat tilshisi.

«Ádilhan bıyl akademııanyń úshinshi kýrsyn aıaqtady. Úsh jyldan beri birge jumys istep kelemiz. «Slavıan bazaryna»da úlken jaýapkershilikpen daıyndaldyq. Bizdiń aldymyzda úlken maqsattar turdy jáne joǵary nátıje kórsetý kerek boldy. Bas júlde alamyz dep múldem oılamadyq. Degenmen, bar kúshimizdi salaıyq dedik. Repertýardy Ádilhannyń ózi tańdady. Sebebi vokalıst janyna jaqyn ándi ǵana sezimmen aıtyp, tyńdarmanǵa jetkizedi», - dedi ıA. Kaısıdı elordada tilshilerge bergen suhbatynda.

Ádilhan Makın baıqaýda eki ándi - «Ozero nadejdy» jáne aǵylshyn tilindegi hıt «She is gone» shyrqady. Sondaı-aq, Abaıdyń 175 jyldyǵy qarsańynda estafetany jalǵastyryp, Abaıdyń «Kózimniń qarasy» ánin shyrqaǵan.

Oqytýshy ánshiniń vokaldyq dıapazony 3 oktavaǵa jetetinin aıtty.

«Ol óte eńbekqor, jumysqa qabiletti adam. Án salǵandy jaqsy kóredi. Onyń dıapazony úsh oktavaǵa jetedi jáne daýsynyń tembri joǵary notada da, tómen notada da anyq, ádemi estiledi. «Slavıan bazarynyń» qazylar alqasynyń tóraıymy Tamara Gverdtsıtelı aıtqandaı, «Ádilhan – ámbebap ánshi». Ol óz oryndaýynda estrada, klassıka syndy vokaldyń túrli tehnıkasyn qoldanady. Rok-vokal men kómeıge salý da bar. Biz Ádilhannyń bar múmkindigin ashyp kórsetýge tyrystyq jáne kórsete aldyq dep oılaımyn. Ony Dımashpen jaıdan-jaı salystyrmaıdy. Ekeýi de ónerge óz úlesterin qosýǵa tyrysyp júr», - dedi ıAnıs Kaısıdı.

Aıta keteıik, T.Júrgenov atyndaǵy Qazaq ulttyq óner akademııasynyń stýdenti Ádilhan Makın «Slavıan bazary-2019» halyqaralyq festıvalinde Gran-prıge ıe boldy.

Búgin halyqaralyq baıqaýlarda top jarǵan qazaq jastary QR Mádenıet jáne sport mınıstri Aqtoty Raıymqulovanyń qabyldaýynda boldy.

Sonymen birge, Ádilhan Makın ózin Dımashpen salystyratyndarǵa jaýap berdi.

Ádilhan Makın 1994 jyly 5 qazanda Petropavl qalasynda dúnıege kelgen. Bala kezinen án aıtyp, túrli baıqaýlarǵa qatysqan. 2011 jyly astanadaǵy Qazaq ulttyq óner ýnıversıtetinde «Akterlik sheberlik» mamandyǵy boıynsha oqı bastady.

2012 jyly «Jas qanat» ánshiler baıqaýynyń fınalısi atandy. 2013 jyly «Shabyt» halyqaralyq baıqaýynyń ІІ orynyn ıelengen. 2014 jyly «Qazaqstan daýysy» ulttyq baıqaýyna qatysqan. 2016 jyly Ádilhan T. Júrgenov atyndaǵy Qazaq ulttyq óner akademııasyna «Estrada vokaly» mamandyǵyna túsken.

Avtor Aıjan Serikjanqyzy
Basty sózder: Óner, Nur-Sultan,
Joǵary qaraı