Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Ádilettilik joq qoǵam eshqashan damymaıdy - Qasym-Jomart Toqaev

2019 jyldyń 23 naýryz 2019 15:08

TÚRKІSTAN. QazAqparat - Qazaqstan Respýblıkasynyń Prezıdenti Qasym-Jomart Toqaev elimizdiń aldynda rýhanı jáne adamgershilik qundylyqtardy odan ári nyǵaıtý mindeti turǵanyn jáne jahandyq álemdegi ulttyq biregeıligimizdi saqtap qalý joldaryn atap ótti, dep habarlaıdy QazAqparat tilshisi.

«Bizde bul máseleler boıynsha jol silteıtin temirqazyq bar. Bul - Elbasynyń «Rýhanı Jańǵyrý» baǵdarlamasy jáne «Uly dalanyń jeti qyry» atty maqalasy. Osy qaǵıdattardy qatań ustaný arqyly ǵana biz jahandyq álemdegi ulttyq biregeıligimizdi saqtap qalamyz. Ultymyzdyń mádenı kodyna súıenbesek, elimizdi odan ári jańǵyrta almaıtynymyz anyq»,- dedi Memleket basshysy.

Jıynda Prezıdent Qasym-Jomart Toqaev sondaı-aq eldi birlikke shaqyryp, birlik bolǵany jón ekenin aıtty.

«Birlik bar jerde árdaıym tirlik bolady. Men úshin bul halyq danalyǵynyń máni asa zor. Biz ortaq maqsattarymyzǵa birge qol jetkizemiz dep senemin. Búginde búkil qoǵam órkendegen Qazaqstandy odan ári damyta túsý ıdeıasyn iske asyrý úshin jumylýy kerek. Meniń Prezıdent retindegi negizgi ustanymym ári kózqarasym, eń aldymen, sabaqtastyq, ıaǵnı Elbasy saıasatyn jalǵastyrý. Sabaqtastyq joq jerde turaqtylyq bolmaıdy. Tek daǵdarys, tipti janjal, qaqtyǵys qana bolady. Bul - búkil álemniń dáleldengen tarıhı tájirıbesi»,- dedi QR Prezıdenti.

Memleket basshysy ekinshi ustanymy ádilettilik ekenin aıtyp ótti.

«Ádilet joq qoǵam eshqashan damymaıdy. Tek qana qıynshylyq, taýqymet, quldyraý bolady. Úshinshi ustanymym - ilgerileý. Qazaqstan básekelestikke toly álemde tek qana alǵa jyljýdy kózdeıdi»,- dedi Qasym-Jomart Toqaev.

Joǵary qaraı