Aýa raıy
Astana 17 °S
Almaty 12 °S
valıýta baǵamy
USD 386.80
EUR 429.27
RUB 5.78
CNY 54.89

Abaıdyń ánin shyrqaǵan Ádilhan Makın «Slavıan bazarynda» 1-oryndy saqtap qaldy

2019 jyldyń 15 shilde 2019 09:22 2572

VITEBSK. QazAqparat - BELTA – Qazaqstandyq ánshi Ádilhan Makın «Vıtebsk-2019» estrada ánderin oryndaýshylardyń XXVIII Halyqaralyq baıqaýynyń ekinshi kún qorytyndysy boıynsha kósh basynda keledi, dep habarlaıdy QazAqparat BELTA agenttigine silteme jasap. 

Vıtebskiniń Jazǵy amfıteatrynda «Slavıan bazary» baıqaýyna qatysýshy 16 jas daryn ıesi álemdik hıt ánderdi oryndady. Ásirese, What`s going on, Queen of the night, Hurt, I surrender, What`s up, She`s gone, Natural, My heart will go on sııaqty aǵylshyn tilindegi ánder kóbirek aıtyldy.

Alǵashqy kúni 89 ball jınaǵan Ádilhan keshe Devıl Holl men Djon Votstyń «Ol ketti» ánin keremet oryndap shyqty. Bul joly da eń joǵary (89) balǵa ıe bolǵan qazaq ánshisi eki kúnniń qorytyndysy boıynsha 178 balmen kósh basynda keledi.

Ándi oryndap bolǵan soń Ádilhan kórermenderge taǵzym etip, qazaq tilinde sálemdeme joldady. Ári Abaıdyń «Kózimniń qarasy» ánin syıǵa tartty. Ádilhannyń ónerin myna vıdeonyń 32-mınýtynan bastap tamashalaýǵa bolady.

Eki kúnniń qorytyndysy boıynsha, Ádilhannyń izin qýyp kele jatqandardyń arasynda Vanıa Zdonıýk 170 ball, ızraıldik Ilaı 171 ball, reseılik Ivan Dıatlov 168 ball, moldovan Lıdııa Isak, Paýlına, ýkraın ánshisi Dmıtrıı Babak – 167, grýzın ánshisi Georgıı Pýtkaradze 171 ball jınaǵan.

Eske sala keteıik, keshe Ádilhan Makın «Slavıan bazarynyń» alǵashqy kúni án aıtýmen birge grepplıng trıýgin de tamasha oryndaǵanyn habarlaǵan edik.


Basty sózder: Mádenıet, Óner, Belarýs,
Joǵary qaraı