Aýa raıy
Astana 23 °S
Almaty 26 °S
valıýta baǵamy
USD 385.42
EUR 424.58
RUB 6.00
CNY 54.31

Abaı poezııasyna 130 jyl - dóńgelek ústel

2019 jyldyń 23 tamyz 2019 08:44

NUR-SULTAN. QazAqparat - Bıyl Abaıdyń 1889 jyly jazǵan 10 óleńine 130 jyl tolady. Osyǵan qaraı búgin QR Ulttyq akademııalyq kitaphanasynda «Abaı poezııasyna 130 jyl» taqyrybynda dóńgelek ústel ótedi, dep habarlaıdy kitaphananyń baspasóz qyzmeti.

Atalmysh is-shara barysynda ǵalym-abaıtanýshylar sóz sóılep, uly aqynnyń búgingi jáne erteńgi kúnniń beınesi bolyp tabylatyn taqyryptar men shyǵarmalarynyń sıýjetteri talqylanyp, taldaý jasalady.

Atap aıtqanda, «Esińde bar ma, jas kúniń», «Júregim meniń qyryq jamaý», «Adam bir boq kótergen boqtyń qaby», «Kúshik asyrap ıt ettim», «Súısine almadym, súımedim», «Dútbaıǵa» (Jylýy joq boıynyń), «Nurly aspanǵa tyrysyp óskensiń sen», M. Lermontovtan aýdarǵan «Jalaý», «Jartas» jáne «Júrekte kóp qazyna bar bári jaqsy» atty óleńderi bar.

«Dana Abaıdyń týyndylarynyń árqaısysy jeke zertteýge, arnaıy kósilip jazýǵa suranyp turǵan rýhanı qazyna. Abaı óleńderiniń mańyzy óte zor, onda aqynnyń búkil ómiri beınelengen, jarqyn bolashaǵy men armandary týraly baıandalady. Onyń ýaıymdatqan máseleleri qazirgi zamanǵa saı keledi. Adamdardy adamgershilik, ımandylyq, gýmanızm jáne beıbitshilik máseleleri áli kúnge deıin alańdatyp keledi. Bul aqynnyń kórkem sóziniń qudireti. Abaıdyń shyǵarmashylyǵy tańǵajaıyp kúsh, keremet tereńdik pen jan-jaqty bolyp keledi»,-dep jazady kitaphana ókilderi.

Іs-sharaǵa abaıtanýshy, ǵalym, fılologııa ǵylymdarynyń doktory, professor Mekemtas Myrzahmetuly, abaıtanýshy, memleket qaıratkeri, saıası ǵylymdarynyń doktory, professor Ábdijálel Bákir, aqyn, abaıtanýshy Almahan Muhametqalıqyzy, fılologııa ǵylymdarynyń kandıdaty Erbol Tileshov, aqyn, fılologııa ǵylymdarynyń doktory Saǵymbaı Jumaǵulov, aqyn, abaıtanýshy, «Shabyt» halyqaralyq festıvaliniń laýreaty Yqylas Ojaıuly jáne t.b. qatysady.

Avtor Qanat Mámetqazyuly
Basty sózder: Ǵylym, Bilim, Nur-Sultan,
Joǵary qaraı