Aýa raıy
Astana 17 °S
Almaty 12 °S
valıýta baǵamy
USD 386.80
EUR 429.27
RUB 5.78
CNY 54.89

#Abai175: Jalpyulttyq chelendj halyqaralyq sıpat ala bastady

2019 jyldyń 14 shilde 2019 17:55 370

NUR-SULTAN. QazAqparat – Abaı óleńderinen úzindi oqý estafetasyna Dımashtyń ıtalııalyq jankúıeri de ún qosty dep habarlaıdy QazAqparat tilshisi.

Dımash Qudaıbergenniń 73 jastaǵy tyńdarmany uly aqynnyń «Ásempaz bolma árnege» óleńin qazaq tilinde mánerlep oqyǵan. Atalmysh vıdeony QR Prezıdentiniń baspasóz hatshysy Berik Ýálı óziniń Facebook paraqshasynda bólisti.

Berik Ýálıdiń aıtýynsha, memleket basshysy Qasym-Jomart Toqaev ún qosqan estafeta birden jalpyulttyq sıpat alǵan.

«Taqtaǵy patshadan taıaq mingen balaǵa deıin xakim Abaı sózin jatqa soqsaq, eldiń erteńi qalaı ekenin baǵamdaýǵa bolatyn shyǵar», - dep jazǵan baspasóz hatshy ózge etnos ókilderiniń de estafetaǵa qazaq tilinde ún qosqan beınetúsirilimderin salǵan. Olardyń biri óleń oqysa, biri Abaıdyń ánderin naqyshyna keltire oryndaǵanyn kórýge bolady.

Eske salsaq, buǵan deıin QR Prezıdenti Qasym-Jomart Toqaev 9 jastaǵy mektep oqýshysynyń estafetasyn qabyl alyp, ony Bilim jáne ǵylym mınıstri Ashat Aımaǵambetovke jáne búkil álemdi moıyndatqan talantty ánshi Dımash Qudaıbergenge joldaǵan edi. Keıin Reseıdiń halyq ártisi Igor Krýtoı Dımash Qudaıbergen joldaǵan estafetany qabyl alǵan bolatyn.




Perevod Esimjan Naqtybaı
Basty sózder: Ónerkásip, Mádenıet, Óner, #Abai175,
Joǵary qaraı