Aýa raıy
Astana 16 °S
Almaty 11 °S
valıýta baǵamy
USD 386.82
EUR 428.67
RUB 5.86
CNY 54.95

#Abai175: Reseıdiń shoý-bıznes ókilderi Abaı óleńderin oqydy

2019 jyldyń 13 shilde 2019 10:51 297

NUR-SULTAN. QazAqparat - Reseılik shoý-bıznes juldyzdary Abaıdyń 175 jyldyǵyna arnalǵan estafetany qabyl aldy, dep habarlaıdy QazAqparat.

Mýz-TV telearnasynyń bas dırektory Arman Dáýletııarov óleń oqý tapsyrmasyn Rınat Gaısın men Nurbolat Abdýllınnen qabyldaǵan. Ol Abaıdyń «Qulaqtan kirip boıdy alar» óleńinen úzindi oqydy jáne estafetany reseılik ánshi Valerııaǵa, prodıýser Iosıf Prıgojınge, Evgenıı Plıýenko men Ana Rýdkovskaıaǵa, Qazaqstanda Altaı Kólginov pen Baýyrjan Baıbekke joldady.

Óz kezeginde tanymal ánshi Valerııa uly Aqynnyń «Ne ýpıvaısıa prazdnoı krasotoı» óleńin orys tilinde oqydy jáne estafetany Lera Kýdrıavtsevaǵa joldady.

Prodıýser Iosıf Prıgojın «Ásempaz bolma árnege» óleńin orys tilinde oqydy jáne kezekti A-Stýdıo tobynyń jetekshisi Baıǵalı Serkebaevqa joldady.

Aıta keteıik, buǵan deıin QR Prezıdenti Qasym-Jomart Toqaev 9 jastaǵy mektep oqýshysynyń estafetasyn qabyl alyp, ony Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldaǵan edi.


Avtor Aıjan Serikjanqyzy
Basty sózder: #Abai175, Qoǵam, Óner, Mádenıet,
Joǵary qaraı