Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

8 qatege ekilik: QR Prezıdentine úmitkerler memlekettik til emtıhanyn qalaı tapsyrady

2019 jyldyń 22 sáýir 2019 13:24

NUR-SULTAN. QazAqparat - Elordada QR Prezıdenttigine kandıdattyń memlekettik tildi erkin meńgergenin anyqtaıtyn lıngvıstıkalyq komıssııa otyrys ótkizdi, dep habarlaıdy QazAqparat tilshisi.

Otyrystan keıin lıngvıstıkalyq komıssııa tóraǵasy Myrzataı Joldasbekov úmitkerler tapsyratyn emtıhan talaptaryn túsindirdi.

Tóraǵanyń aıtýynsha, emtıhan úsh kezeńnen quralǵan.

«Birinshi kezeńde úmitker konvertte jasyrylǵan taqyryptardyń birine jazbasha jumys tapsyrady. Jazbasha jumys 2 betten aspaýy kerek, ony jazýǵa 1 saǵat ýaqyt beriledi. Eger úmitker 1 saǵatta jazyp bitire almasa, komıssııa aqyldasa kele, qosymsha jarty saǵat bere alady. Komıssııa músheleri jumysty muqııat tekseredi, árip qatesin, tynys belgilerin qadaǵalaıdy. Máselen, 8 orfografııalyq qate tabylsa, ekilik qoıylady», - dedi Lıngvıstıkalyq komıssııa tóraǵasy Myrzataı Joldasbekov Ortalyq saılaý komıssııasynda ótken brıfıngte.

Ekinshi kezeńde úmitker komıssııa usynǵan kólemi úsh betten aspaıtyn mátindi daýystap oqıdy.

«Úmitkerler oqıtyn kitaptardy bekittik. Oǵan tek qazaq aqyn-jazýshylarynyń murasyn aldyq. Komıssııa usynǵan kitaptardyń birinen úmitker 15 mınýt úzindi oqıdy. Bul kezeńde úmitkerdiń daýys yrǵaǵy, oqý máneri baǵalanady. ıAǵnı, Prezıdent bolatyn qaıratker memlekettik tilde erkin oqı alýy kerek dep esepteımiz», - dedi M. Joldasbekov.

Úshinshi kezeńde úmitker lıngvıstıkalyq komıssııa bergen taqyryptardyń birine sóz sóıleýi qajet.

«Onyń da taqyryptary konvertke salynyp, bekitilgen. Ásirese, taqyryptar qazaq halqynyń tarıhy, mádenıeti, jetistikteri jóninde bolmaq. Úmitkerdiń sóz sóıleýi komıssııany qanaǵattandyrmasa, taqyrypty tereńirek ashý úshin qosymsha suraqtar qoıýymyz múmkin. Apellıatsııa buǵan deıingi saılaýlarda tájirıbemizde kezdespegen. Eger úmitkerler tarapynan shaǵym tússe, Ortalyq saılaý komıssııasy sheshim qabyldap, apellıatsııany talqylaıtyn bolamyz», - dedi tóraǵa.

Atap ótken jón, lıngvıstıkalyq komıssııa otyrysyna onyń músheleri men QR Prezıdenttigine úmitkerden basqa, QR Ortalyq saılaý komıssııasynyń músheleri baıqaýshylar retinde qatysady. Lıngvıstıkalyq komıssııanyń sheshimi komıssııa músheleri sanynyń kópshilik daýsymen ashyq daýys berý arqyly qabyldanady, otyrys hattamasymen rásimdeledi.

Eske sala ketsek, 2019 jyldyń 9 maýsymynda elimizde kezekten tys prezıdenttik saılaý ótedi. Bul týraly respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev aıtty.

19 sáýirde QR Ortalyq saılaý komıssııasy QR Prezıdentiniń kezekten tys saılaýynda QR prezıdenttigine kandıdattardyń memlekettik tilde erkin meńgergenin anyqtaıtyn lıngvıstıkalyq komıssııa quryldy. Komıssııa quramyna Myrzataı Joldasbekov, Ádil Ahmetov, Ǵarıfolla Esim, Serik Qasqabasov, Gúltas Qurmanbaı, Erden Qajybek endi.

Avtor Aıjan Serikjanqyzy
Basty sózder: Saılaý 2019, Til,
Joǵary qaraı