Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

70 jastaǵy qostanaılyq ziltemirshi: Jıyrmaǵa jýyq chempıon daıyndadym

2019 jyldyń 25 naýryz 2019 12:12

QOSTANAI. QazAqparat - Jaqynda Taldyqorǵan qalasynda paýerlıftıngten ótken el chempıonatynda qostanaılyq Málik Baımaǵambetov aqsaqal chempıon atandy. Ardager sportshy «QazAqparat» HAA tilshisimen bolǵan suhbatta ziltemir kóterýdiń qyr-syry, qazirgi aýyl sportynyń jaı-kúıimen bólisti.

El ishinde Jangeldın aýdanyndaǵy Kógalat aýylyn «chempıondar mekeni» dep ataıdy. Bulaı deýge negiz bar, sebebi, shaǵyn ǵana aýyldan birneshe QR chempıony, álem kýboktarynyń qatysýshylary shyqty. Solardyń biri - 1977 jylǵy Qazaq KSR ýnıversıadasynyń chempıony Málik Baımaǵambetov. 70 jasqa tolǵan Málik aǵamyz jaqynda Taldyqorǵan qalasynda paýerlıftıngten ótken el birinshiliginde aldyna jan salmady. Nátıjesinde, Gonkongta ótetin álem chempıonatyna joldama alyp otyr. Jalpy, ardager sportshy mektep jasynan-aq talaı oblystyq jarystarda ozyq shyǵyp júrdi.

«Bári temir-tersek kóterýden bastaldy ǵoı. Bir jyldary bizdiń aýylǵa úı salýǵa sheshen azamattary keldi. Olar traktordyń temir dońǵalaqtaryn emin-erkin kóterip júre beretin. Qyzyǵasyń. «Bul meniń qolymnan nege kelmeıdi» deımin ishteı. Sodan álgilerdiń kúsh-jigerine qyzyqqandyqtan ba, kúndegi ermegim temir-tersek kóterý boldy. Sóıtip, aýdandyq, oblystyq jarystardan bir-aq shyqtyq», - dep eske aldy sportshy.

Málik Baımaǵambetov 1958 jyly mektep tabaldyryǵyn attap, 1968 jyly Torǵaıdaǵy qazaq orta mektebin aıaqtady. 1968-1970 jyldary Ýkraınanyń Harkov qalasynda ásker qatarynda boldy. Áskerde júrip te óziniń sheberligin moıyndatty.



null

«Ziltemir kóterýden polk ishinde chempıonat uıymdastyryldy. Aýyldaǵy temir kótergenimniń paıdasy shyǵar, baǵym janyp bas júldege ıe boldym. Áskerden soń ákemniń shaqyrýymen aýylǵa kelip, bir-eki jyl sovhozdyń malyn baqtym. Sol kezdegi aýyl balalaryna jaqsy tanys úrdis qoı. Tańdaý joq. Ákeniń aıtqanyn oryndaısyń», - dep túsindirdi Málik aǵamyz.



null

Sportqa beıim jigit oqý izdep, Pavlodarǵa jol tartty. Sondaǵy traktor zaýytynda jumys istep júrgende Pavlodar memlekettik pedagogıkalyq ınstıtýtynyń sport bapkerleri jas sportshynyń qarym-qabiletin baıqaıdy. Bapkerlerdiń kózine ilikken ol kóp uzamaı ınstıtýt stýdenti atanady. Mine, ol sodan aýyr atletıkadan Pavlodar oblysynyń quramasyna alyndy. Sportshynyń sátti joryǵy osy kezden bastalady. 1977 jyly Qazaq KSR stýdentteriniń ýnıversıadasyna qatysyp, 52 keli salmaq dárejesinde jeńimpaz atandy. Bapkerler Pavlodarǵa qalýǵa usynys jasaǵan. Biraq, ol týǵan jerine, Torǵaıǵa oraldy.

«Qolym qalt etken ýaqytta súıikti isim - ziltemir kóterýdiń ádis-tásilderin qaǵaz betine túsiretinmin. 2018 jyly bul isim jemisin berdi. Paýerlıftıng sportynyń ádistemelik jınaǵyn shyǵardym. Negizi, bizdiń Kógalat aýlynda zamanaýı sport jabdyqtary joq. Kóbin qoldan istedim - deıdi ardager sportshy aýyl sportynyń jaı-kúıine toqtalyp, - Balalar budan jaman bolǵan joq. Qarap otyrsam, jıyrmaǵa jýyq chempıon tárbıeledim. Aýyl sportyn damytý úshin qomaqty qarjynyń qajeti shamaly. Sport mekemeleri men mektepterdiń janynan sektsııalar ashyp, qural-jabdyqtar satyp alsa jetedi. Áıtpese, qoldan istegen quraldarymyz kópke shydamaı jatady. Oqýshylar jarysqa shyǵar kezde meniń úıime kelip daıyndalady. Úıdiń bir bólmesin sport zalyna aınaldyryp aldym. Bul durys emes. Bolashaqta aýylda bilgenimizdi úıretetin aýyr atletıka ornynyń bolǵanyn qalaımyn».



null

Kánigi bapkerdiń sózinshe, aýyldarda komandalyq sport oıyndarynan góri jeńil jáne aýyr atletıkany jaqsylap jolǵa qoıýǵa bolady.

«Bizdiń jastar, qansha jyl ótse de, Ámın, Ǵusman aǵalarynyń jetistikterin qaıtalaı almaı keledi. Qazirgi maqsatymyz da osy - aýylda jeńil jáne aýyr atletıkany damytý. El ishinde qanshama kúsh ıesi júr. Olardyń babyn kelistirsek, ózimiz utamyz. aýyl sporty damıdy», - deıdi Málik Baımaǵambetov.

«Ustaz shákirtimen utady». Málik aǵamyz bul turǵyda aýyz toltyryp aıtatyn jetistikteri bar. Aına Toqqoja, Sáken Bekzada, Qazbek Toqqoja, Ǵarypjan Darhan, Tańat Nurlytań, Baıǵazy Jánibek, Jaqash Nurym syndy shákirtteri - talaı dodalardyń chempıondary.

«Chempıondar mekeniniń» chempıony Málik Baımaǵambetov zeınet jasynda bolsa da, salamatty urpaq tárbıeleý úshin áli de izdene beretinin aıtady. Qostanaı oblysynan elimizdi álemge pash etetin sportshylardyń shyǵatynyna senimdi.




null


null

Joǵary qaraı