Aýa raıy
Astana 8 °S
Almaty 0 °S
valıýta baǵamy
USD 389.62
EUR 429.98
RUB 6.06
CNY 55.08

«7-20-25»-pen kólik satý qashan bastalady

2019 jyldyń 24 sáýir 2019 10:21

NUR-SULTAN. QazAqparat - Qazaqstannyń avtobıznes qaýymdastyǵynyń prezıdenti Andreı Lavrentev «7-20-25» sharttarymen kólikterdi satý baǵdarlamasy týraly aıtyp berdi, dep habarlaıdy QazAqparat tilshisi.

«Qazirgi kezde biz Ulttyq bank pen Qazaqstannyń Damý bankimen atalǵan baǵdarlamany pysyqtap jatyrmyz. Menińshe, bir aıdyń ishinde ony rásimdep alamyz. Sodan keıin iske asyrý sharalary bastalady. Osy baǵdarlamanyń qarjysy áli túsken joq. Sebebi mamandar onyń negizgi sharattaryn saraptap jatyr. Protsenttik mólsherleme, negizgi kezeńderi, iske asyrý tetikteri - osynyń bárin jan-jaqty qarastyryp shyǵý qajet», - dedi A.Lavrentev QazAqparat tilshisine bergen suhbatynda.

Onyń aıtýynsha, bir-bir jarym aıdyń ishinde jańa baǵdarlama tolyǵymen daıyn bolady. «Jańa baǵdarlama Ulttyq bankpen birlesip, iske qosylady. Qazirgi kezde baǵdarlamanyń barlyq parametrleri talqylanyp jatyr. Sosyn ony tıisti organdarmen kelisip alý qajet. Buǵan deıin bizde bir avtonesıe baǵdarlamasy qolǵa alynǵan bolatyn. Týra sondaı mehanızmmen jańa baǵdarlama da iske qosylatyn bolady», - dep atap kórsetti A.Lavrentev.

Aıta keteıik, 2015 jyly 4 paıyzdyq avtonesıe baǵdarlamasy qolǵa alynǵan bolatyn. Sodan beri bıýdjetten 40 mıllıard teńge bólindi. Sonyń arqasynda 13 245 otandyq avtokólik jeńildikpen satylyp, 747 kommertsııalyq texnıka lızıngke berildi.

Aǵymdaǵy jyly 19 aqpanda Úkimet 4 paıyzdyq avtonesıe baǵdarlamasyna qosymsha 10 mıllıard teńgeni bólý týraly qaýlyny qabyldaǵan bolatyn.

Buǵan deıin QazAqparat tilshisi avtosalondarǵa xabarlasyp, 4 paıyzdyq avtonesıeniń qaı kezde bastalatynyn suraǵan bolatyn.

Bank qyzmetkerleri nesıeniń artyq tólemin de eseptep berdi.

Redaktsııa atalǵan bastamany «7-20-25» baǵdarlamasy úlgisinde beriletin avtonesıemen de salystyryp kórdi.

Joǵary qaraı