Aýa raıy
Astana 25 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

«7-20-25»: Membaǵdarlama boıynsha salynǵan páterlerdi satyp alýǵa bolady

2019 jyldyń 18 aqpan 2019 09:51 4685

ASTANA. QazAqparat - «7-20-25» baǵdarlamasynyń qatysýshylary «Nurly jer» memlekettik baǵdarlamasy boıynsha salynǵan turǵyn úıdi satyp alý múmkindigin aldy. Bul týraly QazAqparat «Baspana» ıpotekalyq uıymyna silteme jasap habarlaıdy.

Turǵyn úılerdi ótkizý qaǵıdalaryna tıisti ózgerister 2019 jyldyń basynda kúshine endi.

Buǵan deıin «Nurly jer» baǵdarlamasy boıynsha salynǵan turǵyn úıler ákimdikterde kezekte turǵandar men Qazaqstan turǵyn úı qurylys jınaq bankiniń salymshylary arasynda bólinip kelgen edi.

Memlekettik turǵyn úıdiń baǵalary naryqqa qaraǵanda arzan ári óńirlerde kóptep salynady. Bir sharshy metriniń baǵasy Astana, Almaty (qala mańyndaǵy aımaqtardy  qosa alǵanda), Atyraý jáne Aqtaý qalalarynda 180 myń teńge, basqa óńirlerde 140 myń teńge quraıdy. Mysaly, Astanada kólemi 60 sharshy metrdi quraıtyn eki bólmeli páterdi 10,8 mln teńgege alýǵa bolady. Ony 25 jylǵa alǵanda aı saıynǵy tólem 61 myń teńgeden aspaıdy.

 «7-20-25» arqyly «Nurly jer» baǵdarlamasynyń úılerin alý aıtarlyqtaı jeńil. Onyń bir sebebi, ákimdikke kezekke turý nemese aı saıyn depozıtke aqsha jınaýdyń esh qajeti joq. Páterdi tańdap, «7-20-25» baǵdarlamasyna qatysýshy bankke turǵyn úı qunynyń 20 paıyzyn alǵashqy jarna retinde salsa jetkilikti.

«Nurly jer» baǵdarlamasynyń ındıkatorlaryna sáıkes aǵymdaǵy jyly 20 myńǵa jýyq páter salý josparlanyp otyr. Eń kóp páter Almatyda (3170), Shymkentte (1981), Astanada (1873) jáne Qostanaı oblysynda (1794) beriletin bolady.

 

 

Joǵary qaraı