Awa rayı
Astana -4 °S
Almatı 4 °S
valyuta bağamı
USD 378.17
EUR 429.11
RUB 5.88
CNY 56.48

«7-20-25»: Membağdarlama boyınşa salınğan päterlerdі satıp alwğa boladı

2019 jıldıñ 18 aqpan 2019 09:51 2106

ASTANA. QazAqparat - «7-20-25» bağdarlamasınıñ qatıswşıları «Nurlı jer» memlekettіk bağdarlaması boyınşa salınğan turğın üydі satıp alw mümkіndіgіn aldı. Bul twralı QazAqparat «Baspana» ïpotekalıq uyımına sіlteme jasap xabarlaydı.

Turğın üylerdі ötkіzw qağïdalarına tïіstі özgerіster 2019 jıldıñ basında küşіne endі.

Buğan deyіn «Nurlı jer» bağdarlaması boyınşa salınğan turğın üyler äkіmdіkterde kezekte turğandar men Qazaqstan turğın üy qurılıs jïnaq bankіnіñ salımşıları arasında bölіnіp kelgen edі.

Memlekettіk turğın üydіñ bağaları narıqqa qarağanda arzan ärі öñіrlerde köptep salınadı. Bіr şarşı metrіnіñ bağası Astana, Almatı (qala mañındağı aymaqtardı  qosa alğanda), Atıraw jäne Aqtaw qalalarında 180 mıñ teñge, basqa öñіrlerde 140 mıñ teñge quraydı. Mısalı, Astanada kölemі 60 şarşı metrdі quraytın ekі bölmelі päterdі 10,8 mln teñgege alwğa boladı. Onı 25 jılğa alğanda ay sayınğı tölem 61 mıñ teñgeden aspaydı.

 «7-20-25» arqılı «Nurlı jer» bağdarlamasınıñ üylerіn alw aytarlıqtay jeñіl. Onıñ bіr sebebі, äkіmdіkke kezekke turw nemese ay sayın depozïtke aqşa jïnawdıñ eş qajetі joq. Päterdі tañdap, «7-20-25» bağdarlamasına qatıswşı bankke turğın üy qunınıñ 20 payızın alğaşqı jarna retіnde salsa jetkіlіktі.

«Nurlı jer» bağdarlamasınıñ ïndïkatorlarına säykes ağımdağı jılı 20 mıñğa jwıq päter salw josparlanıp otır. Eñ köp päter Almatıda (3170), Şımkentte (1981), Astanada (1873) jäne Qostanay oblısında (1794) berіletіn boladı.

 

 

Joğarı qaray