Aýa raıy
Astana -5 °S
Almaty 12 °S
valıýta baǵamy
USD 389.34
EUR 428.78
RUB 6.05
CNY 55.45

5 jylda kólik ınfraqurylymyna 5,8 trln teńge ınvestıtsııa tartyldy – mınıstr

2019 jyldyń 22 qazan 2019 09:35

NUR-SULTAN. QazAqparat – Sońǵy 5 jylda kólik ınfraqurylymyna 5,8 trln teńge ınvestıtsııa tartyldy.

Bul týraly Úkimet otyrysynda Nurly jol» baǵdarlamasynyń iske asý barysyn talqylaý kezinde QR Indýstrııa jáne ınfraqurylymdyq damý mınıstri Beıbit Atamqulov málim etti, dep habarlaıdy QazAqparat tilshisi.

«Sońǵy 5 jylda kólik ınfraqurylymynyń damýyna 5 trıllıon 800 mıllıard teńgedeı ınvestıtsııa tartyldy. Onyń 44 protsenti nemese 2 trıllıon 540 mıllıard teńge memlekettik qarajat bolsa, qalǵan 56 protsenti nemese 3 trıllıon 274 mıllıard teńge memleket-jekemenshik áriptestigin (MJÁ) qosa alǵandaǵy jeke sektor úlesine tıesili. Kólik salalary boıynsha ınvestıtsııanyń basym bóligi avtomobıl joldary jáne temirjol jobalaryna tıesili – sáıkesinshe, 37 protsent jáne 40 protsent», - dedi mınıstr.

Osyndaı aýqymdy ınvestıtsııanyń salynýy nátıjesinde, 2014 jylmen salystyrǵanda negizgi maqsattyq kórsetkishter ózgerdi.

Jalpy ulttyq ónimde kólik sektorynyń úlesi 7,9 protsentten 2018 jyly 8,2 protsentke ósti, al bıylǵy jyldyń qorytyndysy boıynsha 8,3 protsentke jetedi dep kútilýde. Sonymen qatar, 400 myń jumys orny ashylǵanyn atap ótken jón. Eńbek ónimdiligi 1,7 ese artyp, 5 mıllıon 100 myń teńgeden 8 mıllıon 700 myń teńgege deıin ósti. Jalpy konteınerler tranzıti 3 ese artyp, 271 myńnan 825 myń jıyrma fýttyq balamaly konteınerge (JFB) deıin ósti. Tranzıtten kiris 4,3 ese artyp, 180 mıllıardtan 782,4 mıllıard teńgege deıin ósti. Júk tasymaldarynyń tranzıti 1,5 ese artyp, 1 mıllıon 300 myńnan 1 mıllıon 800 myńǵa deıin jetti.

«Tranzıttik avıajolaýshylar sany 4 ese artty, bıylǵy jyldyń sońyna deıin 1 mıllıonǵa jetkizýdi josparlap otyrmyz (2015 j. – 250 myń jolaýshy)», - dedi B. Atamqulov.

Joǵary qaraı