Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

4 protsentpen avtonesıe qashan beriledi

2019 jyldyń 24 sáýir 2019 10:13

NUR-SULTAN. QazAqparat - Qazaqstannyń avtobıznes qaýymdastyǵynyń prezıdenti Andreı Lavrentev 4 protsenttik avtonesıeni berý merzimin atady, dep habarlaıdy QazAqparat tilshisi.

«4 protsenttik avtonesıe ary ketse, bir aıdyń ishinde beriletin bolady. Qazirgi kezde aqsha tústi. Úkimettiń qaýlysy bar. Búginde ol qarjyny taratý sharalary atqarylyp jatyr. Birden aıtyp qoıaıyn, bir aıdan da az ýaqyt qajet bolady», - dedi A.Lavrentev QazAqparat tilshisine bergen suhbatynda.

Aıta keteıik, Qazaqstanda 4 protsenttik avtonesıe baǵdarlamasy 2015 jyly qolǵa alynǵan bolatyn. Sodan beri 13 245 jeńil avtokólik atalǵan sharttarmen satyldy.

Aǵymdaǵy jyly 19 aqpanda Úkimet 4 paıyzdyq avtonesıe baǵdarlamasyna qosymsha 10 mıllıard teńgeni bólý týraly qaýlyny qabyldaǵan bolatyn. Sonyń 8 mıllıardy jeńil kólikterdi nesıeleýge baǵyttalsa, 2 mıllıard teńgesi kommertsııalyq texnıkany lızıngtik qarjylandyrýǵa jumsalady. Alǵashqy kezeńde 2 myńnan astam avtomobıl satylady. Kelesi jyldary revolverlik qarajat esebinen jylyna ortasha eseppen 400-500 otandyq avtomobıl satylatyny josparlanǵan. Tórt paıyzdyq avtonesıe baǵdarlamasy qolǵa alynǵan 4 jylda bıýdjetten 40 mıllıard teńge bólindi.

Buǵan deıin QazAqparat tilshisi avtosalondarǵa xabarlasyp, 4 paıyzdyq avtonesıeniń qaı kezde bastalatynyn suraǵan bolatyn.

Bank qyzmetkerleri nesıeniń artyq tólemin de eseptep berdi. Redaktsııa atalǵan bastamany «7-20-25» baǵdarlamasy úlgisinde beriletin avtonesıemen de salystyryp kórdi.

Joǵary qaraı