Aýa raıy
Astana 20 °S
Almaty 26 °S
valıýta baǵamy
USD 384.52
EUR 431.32
RUB 6.10
CNY 55.89

4 paıyzdyq avtonesıe: Úkimet qosymsha qarjy bóldi

2019 jyldyń 19 aqpan 2019 11:17 1982

ASTANA. QazAqparat - Mınıstrler kabıneti 4 paıyzdyq avtonesıe baǵdarlamasyna qosymsha qarjy bólý týraly qaýlyny biraýyzdan qabyldady, dep xabarlaıdy QazAqparat tilshisi.

QR Indýstrııa jáne ınfraqurylymdyq damý mınıstri Jeńis Qasymbektiń aıtýynsha, bıyl baǵdarlama aıasynda qosymsha 10 mıllıard teńge bólinedi. Sonyń 8 mıllıardy jeńil kólikterdi nesıeleýge baǵyttalsa, 2 mıllıard teńgesi kommertsııalyq texnıkany lızıngtik qarjylandyrýǵa jumsalady.

«Alǵashqy kezeńde 2 myńnan astam avtomobıl satylady degen jospar bar. Kelesi jyldary revolverlik qarajat esebinen jylyna ortasha eseppen 400-500 otandyq avtomobıl satylatyn bolady», - dedi J.Qasymbek Úkimettiń búgingi otyrysynda.

 

Onyń sózine qaraǵanda, 4 paıyzdyq avtonesıe baǵdarlamasy osydan tórt jyl buryn qolǵa alynǵan bolatyn. Sodan beri bıýdjetten 40 mıllıard teńge bólindi. Sonyń arqasynda 13 245 otandyq avtokólik jeńil kredıtpen satylyp, 747 kommertsııalyq texnıka lızıngke berildi. 

Aıta keteıik, buǵan deıin QazAqparat tilshisi avtosalondarǵa xabarlasyp, 4 paıyzdyq avtonesıeniń qaı kezde bastalatynyn suraǵan bolatyn.  Bank qyzmetkerleri nesıeniń artyq tólemin de eseptep berdi. Redaktsııa atalǵan bastamany «7-20-25»  baǵdarlamasy úlgisinde beriletin avtonesıemen de salystyryp kórdi

 

Joǵary qaraı