Awa rayı
Nur-Sultan 5 °S
Almatı 8 °S
valyuta bağamı
USD 379.86
EUR 422.97
RUB 5.85
CNY 56.33

35 mıñ polïcïya qızmetkerі baspanağa zärw - QR ІІM

2019 jıldıñ 18 aqpan 2019 18:02 1438

ASTANA. QazAqparat - 35 mıñ polïcïya qızmetkerі baspanağa zärw. Bul twralı bügіn QR Prezïdentі janındağı Adam quqıqtarı jönіndegі  komïssïya otırısında Іşkі іster mïnïstrі Erlan Turğımbaev ayttı, dep xabarlaydı QazAqparat tіlşіsі.

"Qazіrgі waqıtta іşkі іster organdarınıñ barlıq qızmetkerlerі men äskerï qızmetşіlerіne kommwnaldıq qızmetterge tölem jasawğa jäne turğın üydі kütіp ustawğa ötemaqı retіnde ay sayın 3 739 teñge tölenedі. Sonaw 2009 jıldıñ qañtarında bekіtіlgen bul soma bügіngі künі özgergen joq jäne qızmetkerdіñ TQŞ qızmetterіne töleytіn şığıstarın ötey almaydı. Bіzdіñşe, ötemaqı mölşerіn 20-30 mıñ teñgege deyіn kötergen jön jäne jıl sayınğı ïnflyacïyanı eskere otırıp arttırw qajet",- dedі mïnïstr.


null 

Osı rette Erlan Turğımbaev bügіngі künі 35 mıñnan astam polïcïya qızmetkerіnіñ baspanağa muqtaj ekendіgіn ayttı.

"ІІM-nіñ vedomstvolıq turğın üy qorı da, qurılıs uyımı da joq. Sondıqtan qızmetkerler jergіlіktі atqarwşı organdar arqılı jalpı negіzde baspanamen qamtamasız etіlwі tïіs. Jergіlіktі jerlerde bul problema keybіr öñіrlerde qospağanda öte bayaw şeşіlіp  jatır. Qızmetkerlerge baspana jaldawğa aqşalay ötemaqı tölew aytarlıqtay älewmettіk qoldaw şarası sanaladı. Bul rette "QR Іşkі іster organdarı twralı" Zañmen ol іşkі іster organdarınıñ barlıq qızmetkerlerі üşіn bekіtіlgen. Alayda, bügіngі künі ІІM-nіñ byudjettіk qorınıñ şektewlі bolwına baylanıstı Ükіmet şeşіmіmen bul jeñіldіktі jedel-tergew bölіmşelerіnіñ 6,5 mıñ qızmetkerі ğana paydalanadı. Bul ötemaqı berіlwі tïіs qızmetkerlerdіñ tek 1/6 bölіgі", - dedі ol.

 

 

Avtor: Marlan Jïembay
Bastı sözder: QR ІІM, Turğın üy,
Joğarı qaray