Awa rayı
Nur-Sultan 23 °S
Almatı 25 °S
valyuta bağamı
USD 377.18
EUR 426.14
RUB 5.98
CNY 54.86

27 mamır. Twğan kün ïelerі

2019 jıldıñ 27 mamır 2019 08:08 673

NUR-SULTAN. QazAqparat - Bügіn, yağnï 27 mamırda tulğalardan kіmder dünïege kelgen? QazAqparat oqırmandarına esіmder küntіzbesіn usınadı.

ESІMDER




82  jıl
 burın (1937) fïlologïya ğılımdarınıñ doktorı, akademïk, körnektі memleket jäne qoğam qayratkerі  Mırzatay JOLDASBEKOV dünïege keldі.

Jambıl oblısı, Talas awdanı, Aqtöbe awılında twğan.

1954-1955 jıldarı Aqköl awdandıq keñesіnіñ xatşısı bolıp qızmet atqarğan. QazMW-dі bіtіrgen (1960). 1960-1964 - jıldarı osı wnïversïtettegі qazaq ädebïetі kafedrasında assïstent, 1964-1967 jıldarı - aspïrant. 1970-1974 jıldarı ağa oqıtwşı, docent, 1974-1977 jıldarı fïlologïya fakwltetіnіñ dekanı boldı. 1977-1987 jıldarı Taldıqorğan pedagogïka ïnstïtwtınıñ rektorı, 1987-1988 jıldarı Qazaqstannıñ oqw mïnïstrі, bіlіm mïnïstrіnіñ bіrіnşі orınbasarı, 1988-1990 jıldarı Qazaqstan Kompartïyası Ortalıq Komïtetіnde bölіm meñgerwşіsіnіñ bіrіnşі orınbasarı, bölіm meñgerwşіsі, 1990 jıldarı Qazaqstannıñ Memleket keñesşіsі, 1991-1993 jıldarı Qazaqstan Respwblïkası Premer-mïnïstrіnіñ orınbasarı, 1993-1997 jıldarı Qazaqstan Respwblïkasınıñ Ïran Ïslam Respwblïkasındağı Tötenşe jäne Ökіlettі Elşіsі, 1997-2000 jıldarı Qazaqstan Respwblïkası Sırtqı іster mïnïstrі janındağı Dïplomatïyalıq akademïyanıñ rektorı qızmetterіn atqardı. 2000-2004 jıldarı Astanadağı Ewrazïya ulttıq wnïversïtetіnіñ rektorı, 2006 jıldan QR Prezïdenttіk mädenïet ortalığınıñ dïrektorı boldı. Joldasbekov qazaq ädebïetіnіñ alğaşqı qaynar bastawların, Jambıl Jabaev şığarmaşılığın zerttewge mol üles qostı. Türіk qağanatı kezіndegі Orxon-Enïsey jazba eskertkіşterіn qazaq ğalımdarı arasında alğaşqılardıñ bіrі bolıp jañaşa zerdelep, qazaq tіlіndegі awdarmasın ğılımï aynalımğa engіzdі. Jambıldıñ aqındıq mektebіn zerttep, onıñ tustastarı men şäkіrtterіnіñ twındıların jan-jaqtı taldadı.

«Xalıqtar dostığı», «Qurmet», «Parasat», «Barıs» ordenderіmen marapattalğan.



63 jıl
 burın (1956) Qazaqstan Respwblïkası Konstïtwcïyalıq Keñesіnіñ müşesі Vïktor Aleksandrovïç MALÏNOVSKÏY dünïege keldі.

Almatı qalasında twğan. S.M.Kïrov atındağı Qazaq memlekettіk wnïversïtetіnіñ zañ fakwltetіn bіtіrgen.

Eñbek jolın S.M.Kïrov atındağı Qazaq memlekettіk wnïversïtetі zañ fakwltetіnіñ memlekettіk quqıq jäne sovet qurılısı kafedrasınıñ assïstentі, ağa oqıtwşısı, dekannıñ orınbasarı, Almatı sayasattanw ïnstïtwtınıñ memlekettіk qurılıs jäne quqıq kafedrasınıñ docentі bolıp bastadı. Qazaqstan Respwblïkası Prezïdentі men Mïnïstrler Kabïnetі Apparatınıñ Memlekettіk-quqıq bölіmіnіñ referentі, ağa referentі, Respwblïka Konstïtwcïyalıq Sotınıñ swdyası bolıp qızmet atqardı. 1995 jıldan 2006 jılğa deyіn Zañgerlіk akademïyası - «Ädіlet» Joğarı quqıq mektebіnіñ prorektorı bolıp jumıs іstedі. «Ïnternyus-Qazaqstan» mekemesіnde zañger, Abay atındağı Qazaq ulttıq pedagogïka wnïversïtetі konstïtwcïyalıq quqıq kafedrasınıñ meñgerwşіsі boldı. Qazіrgі qızmetіnde - 2007 jıldan berі.

Bastı sözder: Küntіzbe,
Joğarı qaray