Aýa raıy
Astana 7 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

27 mamyr. Týǵan kún ıeleri

2019 jyldyń 27 mamyr 2019 08:08

NUR-SULTAN. QazAqparat - Búgin, ıaǵnı 27 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER





82 jyl
buryn (1937) fılologııa ǵylymdarynyń doktory, akademık, kórnekti memleket jáne qoǵam qaıratkeri Myrzataı JOLDASBEKOV dúnıege keldi.

Jambyl oblysy, Talas aýdany, Aqtóbe aýylynda týǵan.

1954-1955 jyldary Aqkól aýdandyq keńesiniń hatshysy bolyp qyzmet atqarǵan. QazMÝ-di bitirgen (1960). 1960-1964 - jyldary osy ýnıversıtettegi qazaq ádebıeti kafedrasynda assıstent, 1964-1967 jyldary - aspırant. 1970-1974 jyldary aǵa oqytýshy, dotsent, 1974-1977 jyldary fılologııa fakýltetiniń dekany boldy. 1977-1987 jyldary Taldyqorǵan pedagogıka ınstıtýtynyń rektory, 1987-1988 jyldary Qazaqstannyń oqý mınıstri, bilim mınıstriniń birinshi orynbasary, 1988-1990 jyldary Qazaqstan Kompartııasy Ortalyq Komıtetinde bólim meńgerýshisiniń birinshi orynbasary, bólim meńgerýshisi, 1990 jyldary Qazaqstannyń Memleket keńesshisi, 1991-1993 jyldary Qazaqstan Respýblıkasy Premer-mınıstriniń orynbasary, 1993-1997 jyldary Qazaqstan Respýblıkasynyń Iran Islam Respýblıkasyndaǵy Tótenshe jáne Ókiletti Elshisi, 1997-2000 jyldary Qazaqstan Respýblıkasy Syrtqy ister mınıstri janyndaǵy Dıplomatııalyq akademııanyń rektory qyzmetterin atqardy. 2000-2004 jyldary Astanadaǵy Eýrazııa ulttyq ýnıversıtetiniń rektory, 2006 jyldan QR Prezıdenttik mádenıet ortalyǵynyń dırektory boldy. Joldasbekov qazaq ádebıetiniń alǵashqy qaınar bastaýlaryn, Jambyl Jabaev shyǵarmashylyǵyn zertteýge mol úles qosty. Túrik qaǵanaty kezindegi Orhon-Enıseı jazba eskertkishterin qazaq ǵalymdary arasynda alǵashqylardyń biri bolyp jańasha zerdelep, qazaq tilindegi aýdarmasyn ǵylymı aınalymǵa engizdi. Jambyldyń aqyndyq mektebin zerttep, onyń tustastary men shákirtteriniń týyndylaryn jan-jaqty taldady.

«Halyqtar dostyǵy», «Qurmet», «Parasat», «Barys» ordenderimen marapattalǵan.




63 jyl
buryn (1956) Qazaqstan Respýblıkasy Konstıtýtsııalyq Keńesiniń múshesi Vıktor Aleksandrovıch MALINOVSKII dúnıege keldi.

Almaty qalasynda týǵan. S.M.Kırov atyndaǵy Qazaq memlekettik ýnıversıtetiniń zań fakýltetin bitirgen.

Eńbek jolyn S.M.Kırov atyndaǵy Qazaq memlekettik ýnıversıteti zań fakýltetiniń memlekettik quqyq jáne sovet qurylysy kafedrasynyń assıstenti, aǵa oqytýshysy, dekannyń orynbasary, Almaty saıasattaný ınstıtýtynyń memlekettik qurylys jáne quqyq kafedrasynyń dotsenti bolyp bastady. Qazaqstan Respýblıkasy Prezıdenti men Mınıstrler Kabıneti Apparatynyń Memlekettik-quqyq bóliminiń referenti, aǵa referenti, Respýblıka Konstıtýtsııalyq Sotynyń sýdıasy bolyp qyzmet atqardy. 1995 jyldan 2006 jylǵa deıin Zańgerlik akademııasy - «Ádilet» Joǵary quqyq mektebiniń prorektory bolyp jumys istedi. «Internıýs-Qazaqstan» mekemesinde zańger, Abaı atyndaǵy Qazaq ulttyq pedagogıka ýnıversıteti konstıtýtsııalyq quqyq kafedrasynyń meńgerýshisi boldy. Qazirgi qyzmetinde - 2007 jyldan beri.

Basty sózder: Kúntizbe,
Joǵary qaraı