Aýa raıy
Astana 5 °S
Almaty 8 °S
valıýta baǵamy
USD 389.81
EUR 430.27
RUB 6.06
CNY 54.91

27 mamyr. QazAqparat kúntizbesi

2019 jyldyń 27 mamyr 2019 07:00

NUR-SULTAN. QazAqparat - QazAqparat oqyrmandar nazaryna 2019 jylǵy 27 mamyrǵa arnalǵan kúntizbeni usynady.

ESTE QALAR OQIǴALAR

1992 jyly Jambyl oblysy Shý aýdanynyń Balýan Sholaq atyndaǵy aýylynda balýan, aqyn, kompozıtor Balýan Sholaqqa eskertkish ornatyldy.

1995 jyly baspasózde Qazaqstan Respýblıkasynyń Prezıdenti Nursultan Nazarbaevtyń Qazaqstan Respýblıkasy men Reseı Federatsııasy arasyndaǵy Qazaqstan Respýblıkasynyń Qarýly Kúshterinde RF azamattarynyń kelisimshart boıynsha áskerı qyzmet ótkerýi jáne olardyń mártebesi týraly kelisimdi, Táýelsiz Memleketter Dostastyǵyna qatysýshy memleketterdiń tólem odaǵyn qurý týraly kelisimdi, Ekonomıkalyq odaqtyń Halyqaralyq ekonomıkalyq komıtetin qurý týraly kelisimdi ratıfıkatsııalaý týraly Jarlyǵy jarııalandy.

2009 jyly Qaraǵandy oblysyndaǵy 500 kV-tyq «Aǵadyr» qosalqy stansasynda «Aǵadyr-OQMAES» ýchaskesi iske qosyldy.

2010 jyly qazaqtyń ǵalym-etnografy, folklortanýshy, geograf-etnolog, saıahatshy ári aǵartýshy Shoqan Ýálıhanovtyń alty tomdyq shyǵarmalarynyń úsh tomy qazaq tiline aýdaryldy.

Aýdarmaǵa negiz retinde Sh. Ýálıhanovtyń 1985 jyly QR UǴA akademıgi Bolat Kómekovtiń basqarýymen jaryq kórgen bes tomdyq eńbekter jınaǵy alyndy. Osy iske R.B. Súleımenov atyndaǵy Shyǵystaný ınstıtýtynyń ǵalymdary da jumyldyryldy.

2012 jyly Kannda 65-shi mereıtoılyq kınofestıval óz máresine jetti. Osy mártebeli halyqaralyq baıqaý aıasynda kórermen qoshemetine ıe bolǵan qazaqstandyq «Jaýjúrek myń bala» fılminiń álemdik prokatqa shyǵaratyn agenti belgili boldy. Sheteldik sarapshylar «osyndaı sapaly óner týyndysyn túsirgen qazaqstandyq kınematograftardyń budan da joǵary jetistikterge jetýge múmkinshilikteri jetkilikti» degen baǵa berdi.

2012 jyly Áıgili káris rejısseri Cho So Rı Astanaǵa búkil álemge tanymal «Arıran» mýzykalyq lazerlik shoýyn alyp keldi.

Gınnestiń rekordtar kitabyna engen shoý «Qazaqstan» ortalyq kontsert zalynda QR men Ońtústik Koreıa arasyndaǵy dıplomatııalyq qatynastyń 20 jyldyǵyna oraı ótkizildi.

Bir jarym saǵattyq spektakldiń negizine «tańǵy jupar eliniń» fılosofııalyq tarıhy alynǵan. Onda káris halqy óneriniń tańǵajaıyp túrleri úılesim tapqan. Taekvondo jaýyngerlik ónerdiń úlgilik kórsetilimderin ulttyq daýylpaz aspaptardaǵy áýen aýystyrdy. Odan keıin Koreıanyń qazirgi zamanǵy rok-mýzykasy qulaq quryshyn qandyrǵan soń jelpýishteri bar áserli dástúrli káris bıine jol berdi. Sonan soń «B-Boy» áıgili breık-dans jastar toby elorda jurtynyń aldynda ónerlerin pash etti.

2015 jyly Sankt-Peterbýrgte Eýrazııalyq keńistiktegi quqyqtyq ıntegratsııany damytýǵa qosqan úlesi úshin Qazaqstan Respýblıkasynyń Ádilet mınıstri Berik Imashev Sankt-Peterbýrg halyqaralyq quqyqtyq forýmynyń syılyǵyna ıe boldy.

2016 jyly Qostanaıda saltanatty túrde Qobylandy batyr monýmenti ashyldy. Eskertkishti Qostanaıǵa aty ańyzǵa aınalǵan batyrdyń urpaqtary qoıdyrdy. Ony QR Sýretshiler odaǵynyń músheleri Ahmetovtar jasady.

2016 jyly National Geographic qoǵamdastyǵynyń músheleri 1954 jylǵy jýrnaldyń muqabasynda sýreti jarııalanǵan Fazıla Janaltaıdy izdep tapty. Astananyń 80 jastaǵy turǵyny osy basylymnyń qazaqstandyq nusqasynyń tusaýkeserine shaqyryldy. Jýrnaldyń 1954 jylǵy sol nómirinde Altaıdan Túrkııaǵa kóshý kezindegi bosqyndardyń ómiri, sondaı-aq qazaq halqynyń ádet-ǵurpy men salt-dástúri týraly jazylǵan. Fazıla Janaltaı - tiri qalǵan bosqyndardyń biri. F.Janaltaıdyń aıtýynsha, amerıkalyq fotograftyń túsirgen sýretinde ol nebary 16-17 jasta.

2018 jyly Chývash Respýblıkasynyń Ulttyq kitaphanasynda qazaq ádebıeti jáne mádenıeti ortalyǵy ashyldy.

Qonaqtarǵa úsh tilde - qazaq, orys jáne aǵylshyn tilderindegi óner salasyndaǵy, tarıhı, ǵylymı jáne kórkem ádebıet týyndylary usynylady.

Basty sózder: Kúntizbe,
Joǵary qaraı