Aýa raıy
Astana 9 °S
Almaty 11 °S
valıýta baǵamy
USD 389.98
EUR 434.01
RUB 6.10
CNY 55.04

26 naýryz. QazAqparat kúntizbesi

2019 jyldyń 26 naýryz 2019 07:01

NUR-SULTAN. QazAqparat - QazAqparat oqyrmandaryna 2019 jylǵy 26 naýryzǵa arnalǵan kúntizbesin usynady.

26 NAÝRYZ, SEISENBІ

Kúlgin kún

2008 jylǵy 26 naýryzdan beri qalyń jurtshylyqqa epılepsııa aýrýy týraly aqparat berý maqsatynda atalyp ótedi. Oǵan qatysýshylar kıimderine kúlgin tústi taspany (epılepsııanyń sımvoly) túırep alady. 2009 jyly Kúlgin kún AQSh-ta anıta Kaýfmann qorynyń qoldaýymen toılandy. Aktsııaǵa 100 myńnan astam stýdent, 95 uıym ókilderi jáne 116 saıasatker qatysty. Sodan beri oǵan qatysýshylardyń qarasy kóbeıip keledi.

ESTE QALAR OQIǴALAR

1937 jyly 1936 jylǵy jeltoqsannyń 5-degi KSRO-nyń jańa Konstıtýtsııasy qabyldanýyna jáne Qazaq Avtonomııaly KSR-nyń Qazaq KSR odaqtas respýblıka bolyp qaıta qurylýyna oraı Qazaqstan Keńesteriniń tótenshe X sezi ótip, Qazaq KSR-nyń jańa Konstıtýtsııasy qabyldandy.

1993 jyly Qyzylorda qalasynda Aral teńizi problemalary boıynsha memleketaralyq kelisimge qol qoıyldy. Kelisimge Qazaqstan, Qyrǵyzstan, Tájikstan, Ózbekstan Respýblıkalarynyń prezıdentteri qol qoıdy. Kelisimniń arnaıy baptarynda Aral teńizi aıdynyndaǵy ekologııalyq daǵdarysqa baılanysty negizgi máseleler naqty qaraldy. Apattyń aldyn alýǵa, qorshaǵan ortany saýyqtyrýǵa jáne Aral aımaǵynyń áleýmettik-ekonomıkalyq damýyn qamtamasyz etetin, densaýlyq saqtaý, t.b. sharalarǵa tikeleı nazar aýdaryldy. Kelisimdi oryndaýdyń alǵysharty retinde Halyqaralyq Aral qory, Aral teńizi máseleleri jónindegi memleketaralyq keńes qurylyp, olardyń uıymdyq máseleleri sheshildi.

2011 jyly Almatyda halyqaralyq mýzykalyq joba - «Uly Dalanyń únsizdigi» kantatasy oryndaldy. Úsh bólikten turatyn shyǵarmanyń dramalyq kórinisteri qazaq, orys jáne aǵylshyn tilderinde oryndaldy.

Shyǵarma avtory - Amerıkanyń belgili kompozıtory Enn Lı Beron, solo nómirin oryndaǵan T. Bekbosynovty «Nıý-Iork Taıms» gazeti joǵary baǵalady.

2012 jyly Ońtústik Qazaqstan oblysynyń ákimdigi óńirdegi 6 eldi mekendi - Arys, Túrkistan, Saryaǵash, Jetisaı, Shardara, Leńgirdi monoqalalar tizimine engizýdi usyndy.

2015 jyly qazaqstandyq Murat Dilmanov «Sáken portreti» jumysymen Reseı, Belarýs, Qazaqstan jáne Ýkraına sýretshileri arasynda «PortraitNow!» halyqaralyq sýret konkýrsynyń irikteý kezeńinde jeńimpaz atandy.

2016 jyly Almaty qalasynda S.D. Asfendııarov atyndaǵy Qazaq ulttyq medıtsına ýnıversıtetiniń rektoratynda S.D. Asfendııarov at. QazUMÝ men Dıýk ýnıversıteti (AQSh) arasyndaǵy Memorandýmǵa qol qoıyldy.

2018 jyly Qazaqstan ulttyq telearnasy kórermenderine «Alash» partııasy ókilderiniń ómiri, taǵdyry, qyzmet joly týraly áńgimeleıtin «Tar zaman» telehıkaıasyn usyndy.

Telehıkaıada 34 tarıhı tulǵa týraly áńgime órbıdi.

2018 jyly Qazaqstannyń Halyq ártisi, Qazaq ulttyq óner ýnıversıtetiniń rektory Aıman Musaqojaevaǵa Italııa Respýblıkasynyń Prezıdenti S. Mattarella Italııa Respýblıkasynyń aldyndaǵy qyzmetteri úshin Ordeniniń kavaleri ataǵyn berdi. Osy nagrada Italııa men Qazaqstan arasyndaǵy ekijaqty qarym-qatynastardyń mádenı, kórkemóner jáne bilim berý salalaryna qosqan súbeli úles úshin berildi. Orden Italııanyń ulttyq ordenderiniń alǵashqysy, ol 1951 jyly bekitilgen.

Basty sózder: Kúntizbe,
Joǵary qaraı