Awa rayı
Astana 1 °S
Almatı -4 °S
valyuta bağamı
USD 377.62
EUR 426.03
RUB 5.67
CNY 55.78

26 qañtardan bastap elіmіzdegі 3 avtojol aqılı boladı

2019 jıldıñ 23 qañtar 2019 18:10 871

ASTANA. QazAqparat - 2019 jıldıñ 26 qañtarında Astana - Temіrtaw», «Almatı - Qapşağay», «Almatı-Qorğas» avtojoldarı aqılı tärtіpke awısadı, dep xabarlaydı QazAqparat Qazavtojolğa sіlteme jasap.

Aqılı jüyege awıswı respwblïkalıq mañızı bar avtojoldardıñ sapasın jaqsartwğa, apat qawpіn azaytwğa, logïstïkalıq dälіzderdі jetіldіrwge ıqpalın tïgіzedі.

«2019 jıldıñ 26 qañtarında Astana - Temіrtaw» (134 şaqırım), «Almatı - Qapşağay» (42 şaqırım), «Almatı-Qorğas» (295 şaqırım) avtojoldarında aqı alw jüyesі іske qosıladı.  Kölіktіk ïnfraqurılımdı damıtw JІÖ arttırwğa, avtojoldardı jöndew men kütіp ustawğa mümkіndіk beredі», - dep xabarlandı Qazavtojol saytında.

Atap ötken jön, aqılı jol bölіkterіne jaqın awdandardıñ turğındarı üşіn tüsіndіrw men xabarlaw jumıstarı jürgіzіlgen. Bіrqatar qoğamdıq tıñdawlar, köşpelі tanıstırılımdar uyımdastırılıp, tölem stavkaları twralı turğındardıñ usınısı tıñdalğan.

«Aqılı jol bölіkterіne jaqın awdandardıñ turğındarı üşіn bіr jıldıq abonement bağası 1000 teñge boladı. Onı sol mekenjayda tіrkelgen avtokölіk ïelerі ğana ala aladı. Eger kölіk ïesі ğana belgіlengen mekenjayda tіrkelіp, avtokölіktіñ tіrkelw ornı basqa bolsa, tölemaqı jalpı erejelerge säykes alınadı», - delіngen resmï xabarlamada.

Jeñіl kölіk ïelerі Astana-Temіrtaw jolında aldın ala 200 teñge nemese qolma-qol 400 teñge tölep öte aladı. Almatı - Qapşağay jolında aldın ala - 100 teñge nemese qolma-qol - 200 teñge bekіtіlgen. Almatı-Qorğas jolında aldın ala - 300 teñge, qolma-qol 600 teñge tölew qajet.



 

 

Avtor: Ayjan Serіkjanqızı
Bastı sözder: Qoğam, Kölіk,
Joğarı qaray