Awa rayı
Nur-Sultan 11 °S
Almatı 12 °S
valyuta bağamı
USD 378.56
EUR 424.44
RUB 5.91
CNY 56.36

25 nawrız. QazAqparat küntіzbesі

2019 jıldıñ 25 nawrız 2019 08:08 348

NUR-SULTAN. QazAqparat - QazAqparat oqırmandar nazarına 2019 jılğı 25 nawrızğa arnalğan küntіzbenі usınadı.

25 NAWRIZ, DÜYSENBІ  

Xalıqaralıq quldıq qurbandarın jäne transatlantïkalıq qul sawdasın eske alw künі. Quldıqta jäne quldıqtan azat etw üşіn küreste qaza bolğandardı qurmetpen eske alw maqsatında - BUU Bas Assambleyası 2006 jılğı qaraşada 2007 jılğı nawrızdıñ 25-іnde transatlantïkalıq qul sawdasın joyudıñ 200 jıldığın merekelewdіñ Xalıqaralıq künі retіnde atap ötw twralı qawlı qabıldadı. 2007 jıldıñ soñında BUU Bas Assambleyası qarar qabıldap, memleketterdі jıl sayın nawrızdıñ 25-іn Xalıqaralıq quldıq qurbandarın jäne transatlantïkalıq qul sawdasın eske alw künі turğısında atap ötwge şaqırdı.

ESTE QALAR OQÏĞALAR

1930 jılı Balqaş kölіne іrgeles Bärіbaev, qazіrgі Balqaş awdanına qarastı Baqalı jerіnde Bärіbaev şarwalar köterіlіsі boldı. Keñes ökіmetіnіñ ujımdastırw, jappay qwğın-sürgіn sayasatı men aşarşılıq qawpіne şıdamağan jergіlіktі şarwalar uyımdasqan qarsılıqqa şıqtı. Baqalı awıl turğındarı Qusmadï Axmetjanov, Quramıs Ïbragïmov, Jaqıpbay Sawqımbaev 100-den astam adamdı uyımdastırıp, körşі awıldarğa ügіtşіler jіberdі. Köterіlіsşіler otryadqa bіrіgіp, Baqalı kommwnasın basıp aldı, awıldıq keñestі taratıp jіberdі. Elden küşpen jïnalğan 100 put astıqtı, 100 bas jılqını, basqa da mal men mülіktі jurtqa taratıp berdі. Almatı men Semeyden äsker küşіn şaqırtpaw üşіn köterіlіsşіlerdіñ arnayı tobı Balqaş jağındağı telefon baylanısınıñ sımdarın üzіp, temіr jol tabanınıñ altı bwının bosatıp, alıp tastadı. Mıñqum degen jerdegі 10 awıldı basıp aldı. Köterіlіs basşısı Qusmadï Axmetjanov Qıtay şekarasınan ötіp ketken bosqındarmen, Aqsw köterіlіsşіlerіmen baylanıs jasap, bіrlese qïmıldawğa tırıstı. Bіraq äsker küşterі aldın-ala şekaranı nığaytıp, oğan jol bermedі. Şekaraşılar Qıtay jağınan kömekke kelmek bolğan qazaq otryadın qolğa tüsіrdі. Bärіbaev awdanındağı köterіlіsşіler OGPW-dіñ 50 adamdıq qarwlı jedel äskerï otryadınıñ küşіmen basılıp, 29 adam atw jazasına kesіldі.

1992 jılı Qazaqstan Respwblïkası men Fïlïppïnı Respwblïkası arasında dïplomatïyalıq qarım-qatınastar ornatılğanı twralı nota almasw räsіmі öttі. Fïlïppïnı Qazaqstan täwelsіzdіgіn 1992 jılğı 22 qañtarda moyındadı.

1993 jılı Qazaqstan Respwblïkası Ewropa qayta qurw jäne damw bankіnіñ müşelіgіne qabıldandı.

2006 jılı Semeyde «Qunanbaydıñ qwğın-sürgіnge uşırağan urpağı» kіtabı jarıq kördі. Kіtaptıñ avtorı - respwblïkalıq «Abay» qorınıñ prezïdentі Baltabek Ersälіmov. Kіtap stalïndіk qwğın-sürgіn jıldarındağı oqïğalar twralı bayan etedі.

B.Ersälіmov «Abay» respwblïkalıq qorın - ötken ğasırdıñ 90-ınşı jıldarında qurılğalı berі basqarıp keledі. Kіtap materïaldarın ol 10 jıl boyı jïnap, dayındağan. Bul kіtapta ötken ğasırdıñ 20-30-ınşı jıldarındağı ujımdastırwğa, aşarşılıqqa jäne qwğın-sürgіnge baylanıstı oqïğalar twralı derektі materïaldar keltіrіledі. Bul basılım ädebïet üşіn ğana emes, qazaq xalqınıñ tarïxı üşіn de ülken mañızğa ïe, deydі kіtaptıñ tanıstırılımına qatısqan stwdentter, zïyalı qawım ökіlderі jäne qala äkіmşіlіgіnіñ ökіlderі.

2010 jılı Qazaqstannıñ Ulttıq bankі «Barıs» monetasın aynalımğa şığardı.

2012 jılı Elbası Nursultan Nazarbaev Koreyağa jumıs saparımen barıp, Yadrolıq qawіpsіzdіk jönіndegі ekіnşі jahandıq sammïtke qatıstı.

2014 jılı Qazaqstan men AQŞ basşıları Nursultan Nazarbaev pen Barak Obama yadrolıq qarwdı taratpaw jäne yadrolıq qawіpsіzdіktі nığaytw salasındağı ıntımaqtastıq twralı bіrlesken mälіmdeme jasadı.

2015 jılı Almatıda YuNESKO-nıñ 70 jıldığına jäne alğaşqı qazaqstandıq YuNESKO klwbınıñ 10 jıldığına oraylastırılğan «YuNESKO jolımen: Beybіtşіlіk. Öner. Jastar» xalıqaralıq kollokvïwmı öttі. 

2018 jılı Qazaqstan xokkey tarïxında alğaş ret jastar komandası Wlyanov (Resey) qalasında ötken älem çempïonatında marapatqa ïe boldı.

Bastı sözder: Küntіzbe,
Joğarı qaray