Aýa raıy
Astana 6 °S
Almaty 13 °S
valıýta baǵamy
USD 389.59
EUR 429.06
RUB 6.05
CNY 55.07

25 naýryz. QazAqparat kúntizbesi

2019 jyldyń 25 naýryz 2019 08:08

NUR-SULTAN. QazAqparat - QazAqparat oqyrmandar nazaryna 2019 jylǵy 25 naýryzǵa arnalǵan kúntizbeni usynady.

25 NAÝRYZ, DÚISENBІ

Halyqaralyq quldyq qurbandaryn jáne transatlantıkalyq qul saýdasyn eske alý kúni. Quldyqta jáne quldyqtan azat etý úshin kúreste qaza bolǵandardy qurmetpen eske alý maqsatynda - BUU Bas Assambleıasy 2006 jylǵy qarashada 2007 jylǵy naýryzdyń 25-inde transatlantıkalyq qul saýdasyn joıýdyń 200 jyldyǵyn merekeleýdiń Halyqaralyq kúni retinde atap ótý týraly qaýly qabyldady. 2007 jyldyń sońynda BUU Bas Assambleıasy qarar qabyldap, memleketterdi jyl saıyn naýryzdyń 25-in Halyqaralyq quldyq qurbandaryn jáne transatlantıkalyq qul saýdasyn eske alý kúni turǵysynda atap ótýge shaqyrdy.

ESTE QALAR OQIǴALAR

1930 jyly Balqash kóline irgeles Báribaev, qazirgi Balqash aýdanyna qarasty Baqaly jerinde Báribaev sharýalar kóterilisi boldy. Keńes ókimetiniń ujymdastyrý, jappaı qýǵyn-súrgin saıasaty men asharshylyq qaýpine shydamaǵan jergilikti sharýalar uıymdasqan qarsylyqqa shyqty. Baqaly aýyl turǵyndary Qusmadı Ahmetjanov, Quramys Ibragımov, Jaqypbaı Saýqymbaev 100-den astam adamdy uıymdastyryp, kórshi aýyldarǵa úgitshiler jiberdi. Kóterilisshiler otrıadqa birigip, Baqaly kommýnasyn basyp aldy, aýyldyq keńesti taratyp jiberdi. Elden kúshpen jınalǵan 100 put astyqty, 100 bas jylqyny, basqa da mal men múlikti jurtqa taratyp berdi. Almaty men Semeıden ásker kúshin shaqyrtpaý úshin kóterilisshilerdiń arnaıy toby Balqash jaǵyndaǵy telefon baılanysynyń symdaryn úzip, temir jol tabanynyń alty býynyn bosatyp, alyp tastady. Myńqum degen jerdegi 10 aýyldy basyp aldy. Kóterilis basshysy Qusmadı Ahmetjanov Qytaı shekarasynan ótip ketken bosqyndarmen, Aqsý kóterilisshilerimen baılanys jasap, birlese qımyldaýǵa tyrysty. Biraq ásker kúshteri aldyn-ala shekarany nyǵaıtyp, oǵan jol bermedi. Shekarashylar Qytaı jaǵynan kómekke kelmek bolǵan qazaq otrıadyn qolǵa túsirdi. Báribaev aýdanyndaǵy kóterilisshiler OGPÝ-diń 50 adamdyq qarýly jedel áskerı otrıadynyń kúshimen basylyp, 29 adam atý jazasyna kesildi.

1992 jyly Qazaqstan Respýblıkasy men Fılıppıny Respýblıkasy arasynda dıplomatııalyq qarym-qatynastar ornatylǵany týraly nota almasý rásimi ótti. Fılıppıny Qazaqstan táýelsizdigin 1992 jylǵy 22 qańtarda moıyndady.

1993 jyly Qazaqstan Respýblıkasy Eýropa qaıta qurý jáne damý bankiniń músheligine qabyldandy.

2006 jyly Semeıde «Qunanbaıdyń qýǵyn-súrginge ushyraǵan urpaǵy» kitaby jaryq kórdi. Kitaptyń avtory - respýblıkalyq «Abaı» qorynyń prezıdenti Baltabek Ersálimov. Kitap stalındik qýǵyn-súrgin jyldaryndaǵy oqıǵalar týraly baıan etedi.

B.Ersálimov «Abaı» respýblıkalyq qoryn - ótken ǵasyrdyń 90-ynshy jyldarynda qurylǵaly beri basqaryp keledi. Kitap materıaldaryn ol 10 jyl boıy jınap, daıyndaǵan. Bul kitapta ótken ǵasyrdyń 20-30-ynshy jyldaryndaǵy ujymdastyrýǵa, asharshylyqqa jáne qýǵyn-súrginge baılanysty oqıǵalar týraly derekti materıaldar keltiriledi. Bul basylym ádebıet úshin ǵana emes, qazaq halqynyń tarıhy úshin de úlken mańyzǵa ıe, deıdi kitaptyń tanystyrylymyna qatysqan stýdentter, zııaly qaýym ókilderi jáne qala ákimshiliginiń ókilderi.

2010 jyly Qazaqstannyń Ulttyq banki «Barys» monetasyn aınalymǵa shyǵardy.

2012 jyly Elbasy Nursultan Nazarbaev Koreıaǵa jumys saparymen baryp, ıAdrolyq qaýipsizdik jónindegi ekinshi jahandyq sammıtke qatysty.

2014 jyly Qazaqstan men AQSh basshylary Nursultan Nazarbaev pen Barak Obama ıadrolyq qarýdy taratpaý jáne ıadrolyq qaýipsizdikti nyǵaıtý salasyndaǵy yntymaqtastyq týraly birlesken málimdeme jasady.

2015 jyly Almatyda ıÝNESKO-nyń 70 jyldyǵyna jáne alǵashqy qazaqstandyq ıÝNESKO klýbynyń 10 jyldyǵyna oraılastyrylǵan «ıÝNESKO jolymen: Beıbitshilik. Óner. Jastar» halyqaralyq kollokvıýmy ótti.

2018 jyly Qazaqstan hokkeı tarıhynda alǵash ret jastar komandasy Ýlıanov (Reseı) qalasynda ótken álem chempıonatynda marapatqa ıe boldy.

Basty sózder: Kúntizbe,
Joǵary qaraı