Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

24 nawrız. QazAqparat küntіzbesі

2019 jıldıñ 24 nawrız 2019 07:00 393

NUR-SULTAN. QazAqparat - QazAqparat oqırmandarına 2019 jılğı 24 nawrızğa arnalğan küntіzbesіn usınadı.

24 NAWRIZ. JEKSENBІ

Bükіlälemdіk twberkwlezben küres künі

Bükіldünïejüzіlіk densawlıq saqtaw uyımınıñ şeşіmіmen nemіs mïkrobïologı Robert Kox twberkwlez tayaqşaların aşqan künіnіñ (1882) qurmetіne oray atap ötіledі. 1998 jılğı qaraşanıñ 16-sına Qazaqstan Respwblïkası Prezïdentіnіñ «Xalıq densawlığı» memlekettіk bağdarlaması twralı» Jarlığı şıqtı. Onda twberkwlezben kürestіñ negіzgі şaraları anıqtalıp berіldі. Qazaq Ulttıq medïcïna wnïversïtetі T.Ä. Momınovtıñ basşılığımen Bükіldünïejüzіlіk densawlıq saqtaw uyımınıñ (VOZ) qoldawımen twberkwlezben küres jönіndegі xalıqaralıq bağdarlamanı orındap otır. Bağdarlamağa Lyuksembwrg densawlıq saqtaw mïnïstrlіgі, Şvecïyanıñ Koroldіk akademïyası, Tokïonıñ medïcïna mektebі, Gambwrgtegі Medïcïnalıq bіlіm akademïyası sïyaqtı şeteldіk uyımdar tartıldı.

Qazaqstanda jıl sayın 20-27 mıñ adam twberkwlezge şaldığadı. 4-6 mıñ adam qaytıs bolıp, 3 mıñı mügedektіkke şığadı.
NATO-nıñ Yugoslavïyağa qarsı agressïyası barısında qurban bolğandar men japa şekkenderdі eske alw künі. 7 jıl burın (1999) NATO-nıñ Yugoslavïyağa äskerï operacïyaları bastaldı.

Adam quqıqtarınıñ öreskel buzılwı jäne qurbandardıñ abıroyına qatıstı aqïqat ornatw quqığınıñ xalıqaralıq künі

2010 jılı BUU Bas Assambleyasınıñ bastamasımen bekіtіlgen. 24 nawrızdıñ tañdalw sebebі - 1980 jılı  däl osı künі törtіnşі San-Salvador arxïepïskopı Oskar Romero qaytıs boldı. Ol älewmettіk teñsіzdіkke, kedeylіkke, küş qoldanw men adam öltіrwge qarsı küreswdіñ іrі qayratkerі, tanımal quqıq qorğawşı edі.

ESTE QALAR OQÏĞALAR

1976 jılı Semey qalasınan 70 şaqırımda ornalasqan Şülbі sw elektr stansasınıñ qurılısı bastaldı. Ol Ertіs boyındağı üşіnşі ärі belgіlengen qwattılığı jağınan Qazaqstandağı eñ іrі SES.

1992 jılı Qazaqstan Respwblïkası men Kwba Respwblïkasınıñ arasında dïplomatïyalıq qatınastardı ornatw twralı notalar almasıldı. 

2000 jılı Qızılorda oblısınıñ Jaña Qazalı qalasına Äyteke bï esіmі berіldі.

2006 jılı astanadağı Qazaqstan Respwblïkasınıñ Ulttıq akademïyalıq kіtapxanasına Kavkaz xalıqtarınıñ X ğasırdan bergі tarïxı twralı 170 kіtap tartw etіldі. Kіtaptardı reseylіk professor, Xalıqaralıq gwmanïtarlıq mïssïya delegatı Magomed Malsagov özіnіñ jeke kіtapxanasınan alıp sıyğa tarttı. Budan tıs, M. Malsagov Qazaqstan Respwblïkasınıñ Ulttıq akademïyalıq kіtapxanasına XІІІ-XX ğasırlardağı 12 äskerï-tarïxï kartanı da qosa sıyladı. Olardı restavracïyalaw üş jılğa jalğastı.  

2009 jılı Elbası Nursultan Nazarbaev «Fïnlyandïyanıñ Aq Rawşanı» jäne «Fïnlyandïya Arıstanı» ordenderіmen marapattaldı.
Bul joğarı marapat Qazaqstan basşısına ekі el arasındağı qarım-qatınastardı damıtwğa jäne xalıqaralıq qawіpsіzdіktі saqtawğa qosqan zor ülesі üşіn tabıs etіldі.

2011 jılı xalıqtar arasındağı beybіtşіlіktі ornatw men kelіsіmdі nığaytwğa, älemdіk qoğamdastıqtı bіrіktіrw men örkenïetterdіñ jahandıq dïalogın jandandırwğa qosqan sübelі ülesі üşіn Memleket basşısı Nursultan Nazarbaev «Örkenïetter dïalogı» Xalıqaralıq qoğamdıq qorınıñ sıylığımen marapattaldı.

2014 jılı QR Prezïdentі N. Nazarbaevtıñ Gaagağa resmï saparı ayasında Elbasınıñ swretі beynelengen poştalıq markanıñ tanıstırılımı öttі. Sonday-aq Rotterdam qalasında «Astana» attı jaña alañ aşılıp, qızğaldaqtıñ jaña sortına «Prezïdent Nazarbaevtıñ» atı berіldі.

Marka Nïderlandı men Qazaqstan arasındağı ekonomïkalıq jäne dïplomatïyalıq qarım-qatınastıñ bekemdіgіnіñ belgіsі retіnde şığarıldı. Onıñ avtorı - Xans Barneveld. Ölşemі - 40/30 mïllïmetr, taralımı - 1000 dana.

«Astana» alañı Rotterdamnıñ köz süysіndіrer Karentrecht awdanında ornalasqan. Al qızğaldaqtıñ jaña sortın äygіlі golland gül ösіrwşіsі Jan Laytxard şığardı.

2014 jılı «Bayqoñır» ğarış aylağına qazaqstandıq «Qazsat-3» spwtnïgі jetkіzіldі. Telekommwnïkacïyalıq «Qazsat-3» ğarıştıq apparatı Qazaqstan  men şekaralas memleketter awmağında baylanıs, telexabar taratw jäne joğarı jıldamdıqtağı Ïnternet qızmetterіn usınwğa arnalğan. Spwtnïk «Respwblïkalıq ğarış baylanısı ortalığı» AQ-men (Qazaqstan Respwblïkası) kelіswіm-şart boyınşa jasalıp, äzіrlengen.  Spwtnïk 28 Ku-dïapazonı transponderlerіmen jabdıqtalğan. Spwtnïktіñ belsendі ömіr sürw kezeñі 15 jıldı quraydı.

Bastı sözder: Küntіzbe,
Joğarı qaray