Aýa raıy
Astana 17 °S
Almaty 30 °S
valıýta baǵamy
USD 387.34
EUR 428.44
RUB 6.04
CNY 54.58

23 tamyz. QazAqparat kúntizbesi

2019 jyldyń 23 tamyz 2019 07:00

NUR-SULTAN. QazAqparat - QazAqparat oqyrmandaryna 2019 jylǵy 23 tamyzǵa arnalǵan kúntizbesin usynady.

ATAÝLY KÚNDER

Halyqaralyq jumys kúshin satý qurbandaryn eske alý kúni

ıÝNESKO-nyń bastamasy boıynsha, adamzat tarıhyndaǵy osy jaısyz jaǵdaılardan saqtandyrý jáne quldardy óz bostandyǵy úshin kúresýge shaqyrý maqsatynda atalyp ótiledi.

ESTE QALAR OQIǴALAR

1996 jyly Almaty qalasynda, Dostyq dańǵyly men Jambyl kósheleriniń qıylysyna aqyn Jambyl Jabaevtyń eskertkishi ornatyldy. Joba avtorlary: músinshi B. Ábishev, sáýletkerler – S.K. Baımaǵambetov, T. Eralıev, S. Fazylov.

1996 jyly Almatyda Qyrǵyz Respýblıkasynyń elshiligi ashyldy.

2010 jyly Qazaqstannyń ShYU-ǵa tóraǵalyǵy aıasynda Uıymdaǵy qazaqstandyq tóraǵalyqtyń resmı logotıpi bekitildi.

Resmı logotıp ShYU eltańbasyn qamtıdy. Onda qyran beınelengen. Qyrannyń astynda uıymnyń eki jumys tilinde (orys, qytaı) «Qazaqstan» dep jazylǵan. Eki búıirinde - ShYU-da Qazaqstannyń tóraǵalyq etý jyldary - 2010-2011 jyldar dep jazylǵan.

2011 jyly QR Ulttyq banki Ál-Farabı beınesimen nomınaly 500 teńgelik altyn medaldy aınalymǵa shyǵardy. Moneta 999 synamaly altynnan ázirlendi, salmaǵy - 7,78 gramm, dıametri - 21,87 mm, daıyndaý sapasy - «proof», taralymy - 4 myń dana.

2012 jyly Bishkekte Túrki tildes memleketter yntymaqtastyǵy keńesi ІІ sammıtiniń Deklaratsııasyna qol qoıyldy.

Qujatqa Qazaqstan, Túrkııa, Qyrǵyzstan prezıdentteri men Ázerbaıjan Premer-Mınıstri qol qoıdy. Osy sammıtte Túrki keńesiniń týy bekitildi.

2013 jyly Astanada Mádenıetterdi jaqyndastyrýdyń halyqaralyq onjyldyǵyn ulyqtaýǵa oraı ótkizilgen forým aıasynda Alakól qoryǵyna Bilim, ǵylym jáne mádenıet máseleleri jónindegi Birikken Ulttar Uıymynyń (ıÝNESKO) bıosferalyq rezervat mártebesin berý rásimi ótti. Alakól bıosferalyq rezervatynyń ıÝNESKO-nyń Dúnıejúzilik jelisine qosylýy aımaqtyń qaıtalanbas tabıǵatyn saqtaýǵa, sonymen qatar Qazaqstannyń ekonomıkasy men týrıstik áleýetin jan-jaqty damytýǵa kómektesedi. Dıplomdy ıÝNESKO-nyń Bas dırektory Irına Bokova berdi.

2013 jyly WBA tujyrymy boıynsha álem chempıony Gennadıı Golovkınge Qaraǵandy qalasynyń qurmetti azamaty tósbelgisi men dıplomy tabys etildi.

2013 jyly ıÝNESKO bas dırektory Irına Bokova Orta Azııaǵa jasaǵan resmı sapary aıasynda Astanada Serik Sápıevke ıÝNESKO-nyń sport jónindegi elshisi mandatyn tapsyrdy.

Bir aı buryn Serik Sápıev «Sporttan ıÝNESKO chempıony» qurmetti ataǵyna laıyq dep tanylǵan bolatyn. Sápıev osy ataqqa qol jetkizgen álemdegi 13-shi sportshy boldy.

2016 jyly Japonııa astanasy Tokıodaǵy «Daıgo Fýkýrıý-marý» mýzeıinde ıAdrolyq synaqtarǵa qarsy halyqaralyq kúnge arnalǵan memorıaldyq paneldiń ashylý saltanaty ótti. Onda Semeı polıgony, «Nevada-Semeı» qozǵalysy, QR Prezıdenti Nursultan Nazarbaevtyń Semeı ıadrolyq polgonyn jabý týraly tarıhı sheshimi jáne t.b. jóninde aqparat qoıylǵan.

2017 jyly almatylyq Sergeı Sereev Qazaqstan tarıhynda alǵash ret álemdik bodıbıldıng PRO-lıgasyna qosyldy.

Atlet Halyqaralyq bodıbıldıng federatsııasyndaǵy barlyq eńbegi úshin sportshylardyń kásibı lıgasyna kirdi. Sportshy alǵan marapattardyń arasynda Qazaqstan chempıonattaryndaǵy jeńister, Azııa elderi jarystaryndaǵy júldeleri, sondaı-aq Arnold Classic Europe 2015 chempıonatynda «klassıkalyq bodıbıldıng» sanatynda úzdik bolǵandyǵy qamtylǵan.

2018 jyly «Qazatomónerkásip» Ulttyq atom kompanııasy» AQ ókili Dáýren Alybaev alǵash ret WNFM qaýymdastyǵy basshylarynyń quramyna kirdi (World Nuclear Fuel Market - Dúnıejúzilik ıadrolyq otyn naryǵy). Taǵaıyndaý Montereıdegi (AQSh) jyl saıynǵy WNFM kezdesýde daýys berý nátıjesinde jarııalandy. Alǵash ret «Qazatomónerkásiptiń» WNFM keńesinde óziniń ókili paıda boldy.

Basty sózder: Kúntizbe,
Joǵary qaraı