Aýa raıy
Astana 9 °S
Almaty 10 °S
valıýta baǵamy
USD 389.62
EUR 429.98
RUB 6.06
CNY 55.08

22 shilde. QazAqparat kúntizbesi

2018 jyldyń 22 shilde 2018 07:00

ASTANA. QazAqparat - QazAqparat oqyrmandaryna 2018 jylǵy 22 shildege arnalǵan kúntizbesin usynady.

22 shilde, JEKSENBІ

Ázerbaıjannyń ulttyq baspasóz kúni

Osy kúni eldiń alǵashqy basylymy - «Ekınchı» gazeti jaryq kórgen. Búgingi tańda Ázerbaıjanda Baspasóz jónindegi keńes qurylyp, «BAQ týraly» zań qabyldanǵan.

Búkilálemdik mı kúni

Dúnıejúzilik nevrologtar federatsııasy bekitti. Alǵash ret 2014 jyly 22 shildede ótkizildi.

AQSh-ta ata-analar kúni

Ár jyly shildeniń tórtinshi jeksenbisinde atap ótiledi. Mereke 1994 jyly feleraldyq deńgeıde belgilendi.

ESTE QALAR OQIǴALAR

1822 jyly Reseı ımperııasynyń «Sibir qazaqtary týraly» jarlyǵy shyqty.

1939 jyly Atyraý oblystyq ólketaný murajaıy ashyldy. Onyń qorynda ólke, tabıǵat, mádenıet pen óner jádigerleriniń 50 myńnan astam túri bar.

1992 jyly Qazaqstan men Ýkraına arasynda dıplomatııalyq qarym-qatynas ornatyldy.

1995 jyly Qaraqalpaq Respýblıkasynda Abaı Qunanbaevtyń 150 jyldyǵy keńinen atalyp ótti.

1999 jyly QR Prezıdenti Nursultan Nazarbaevqa «Táýelsiz Memleketter Dostastyǵy avıatsııasyn damytýdaǵy erekshe úlesi úshin» syılyǵy tapsyryldy.

2005 jyly Almatyda Saın kóshesi men Raıymbek dańǵylynyń qıylysyndaǵy eń iri jol aıryǵy paıdalanýǵa berildi.

Saltanatty sharaǵa Almaty qalasynyń ákimi Imanǵalı Tasmaǵambetov qatysty.

Úsh deńgeıli aıryq kópir kólik qatynasyn 3,5 ese jeńildetip, kúnine 120000 avtomobıldi ótkizýge múmkindik berdi.

2009 jyly Atyraýda Jaıyq ózeniniń ústimen ótetin jańa eki kópirdi paıdalanýǵa berý saltanatty rásimi ótti.

Jalpy uzyndyǵy 800 metr bolatyn bir kópir «Prıvokzalnyı» shaǵyn aýdanyn áýejaımen jalǵastyrdy. Kópirdegi qozǵalys tórt jolaqty, onyń táýligine 5 myń avtomobıldi ótkizý múmkindigi bar. Jolaýshylar úshin eni 2,5 metrlik aıaqjoldar kózdelgen.

Ekinshi kópir «Jılgorodok» shaǵyn aýdanynda qalanyń eýropalyq jáne azııalyq bólikterin qosty. Onyń jalpy uzyndyǵy - 693 metr. Ol da táýligine kemine 5 myń avtomobıldi ótkizýge eseptelgen.

2009 jyly Ekibastuzda qýaty aıyna 300 tonna shıkizat daıyndap, qurym teri jartylaı fabrıkatyn shyǵaratyn zaýyt iske qosyldy.

Zaýytqa zamanaýı ıtalıandyq jabdyqtar ornatylǵan. Ónimder Italııa, Ispanııa, Qytaı, Úndistan naryqtaryna shyǵarylady.

2011 jyly Memleket basshysy Nursultan Nazarbaev «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgertýler men tolyqtyrýlar engizý týraly» Zańǵa qol qoıdy.

2011 jyly Memleket basshysy N. Nazarbaev salyq zańnamasyn jetildirýge baǵyttalǵan «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» Zańǵa qol qoıdy.

2012 jyly Bokstan QR Ulttyq olımpıada quramasy Londonǵa ushty.

2013 jyly «QazAqparat» baspa korporatsııasy Oralhan Bókeıdiń 70 jyldyǵyna arnap, onyń eksklıýzıvti tańdamaly shyǵarmalar jınaǵyn shyǵardy. Onyń shyǵarmalary orys, aǵylshyn, frantsýz, nemis, japon, arab, qytaı jáne basqa da shetel tilderine aýdaryldy.

2014 jyly Astanada ıÝNESKO isteri jónindegi Ulttyq komıssııalardyń birinshi óńiraralyq keńesi ótti.

2014 jyly Astana qalasynyń ákimi Imanǵalı Tasmaǵambetovke Qazaqstan men ıÝNESKO arasyndaǵy qarym-qatynastyń nyǵaıýyna qosqan úlesi úshin ıÝNESKO-nyń «Uly Jibek joly» kúmis medali tabys etildi. I. Tasmaǵambetov 18 jyl boıy ıÝNESKO Ulttyq komıssııasyn basqarǵan, al «Uly Jibek joly» medali sońǵy 20 jyl boıy eshkimge tabystalmaǵan.

2014 jyly Qazaqstannyń 8 nysany - Almaty oblysyndaǵy Qaıalyq, Qaramergen, Talǵar jáne Jambyl oblysyndaǵy Aqtóbe Stepnınskoe, Aqyrtas, Qulan, Qostóbe, Órnek ıÝNESKO-nyń álemdik muralary tizimine engizildi.

2015 jyly Almatynyń 1000 jyldyǵy ıÝNESKO-nyń mereıtoılyq datalar tizimine engizildi.

2016 jyly Oral qalasynda alǵashqy «Akzhaiyk Invest» ınnovatsııalyq forýmy ótti.

2017 jyly Astanada «Eýrazııa» halyqaralyq kınofestıvali aıasynda alǵash ret Eurasia Film Market kıno naryǵy uıymdastyryldy. Oǵan TMD, Qytaı, Úndistan, Ońtústik Koreıa, Eýropa jáne Amerıkanyń fılm satýshylary men satyp alýshylary kelip qatysty. 2012 jyly «InternationalFilmGuide (Ulybrıtanııa) Halyqaralyq «Eýrazııa» kınofestıvalin eń úzdik 35 álemdik kınofestıvalderdiń tizimine qosty.

2017 jyly Qazaq memlekettik tsırki qazaq ertegileriniń jelisi negizinde sońǵy 30 jyl ishinde alǵash ret erekshe tsırktik gastroldik «Er Tóstik» qoıylymyn sahnalady.

Qoıylym Astanada ótken Halyqaralyq «EKSPO-2017» mamandandyrylǵan kórmesine oraı uıymdastyryldy. Ol jańa tehnologııalardyń paıdalanylýymen erekshelendi.

Basty sózder: Kúntizbe,
Joǵary qaraı