Aýa raıy
Astana 20 °S
Almaty 26 °S
valıýta baǵamy
USD 384.52
EUR 431.32
RUB 6.10
CNY 55.89

22 aqpan. QazAqparat kúntizbesi

2019 jyldyń 22 aqpan 2019 07:00 829

ASTANA. QazAqparat - QazAqparat oqyrmandaryna 2019 jylǵy 22 aqpanǵa arnalǵan kúntizbesin usynady.



null
ATAÝLY KÚNDER

Halyqaralyq qylmys qurbandaryna qoldaý kórsetý kúni

1990 jylǵy aqpannyń 22-inde Anglııanyń úkimeti «Qylmys qurbandarynyń hartııasyn» jarııalady. 1985 jyly qyrkúıekte BUU-nyń jetinshi kongresi qylmys qurbandary men bılikti paıdalanǵandar úshin Ádilettiliktiń mańyzdy qaǵıdalary deklaratsııasyn bekitti. Osy jyldyń 29 qarashasynda BUU-nyń Bas Assambleıasy bul Deklaratsııany qabyldady. Jyl saıyn atap ótiledi.

ESTE QALAR OQIǴALAR

2005 jyly Qazaqstanda jańa aımaqtyq qoǵamdyq birlestik - Munaı-gaz kesheni qyzmetkerleriniń kásiptik odaǵy quryldy. Odaqty qurý týraly sheshim aqpannyń 22-sinde Atyraýda ótken kásipodaqtyq konferentsııada qabyldandy. Jańa kásipodaq «QazMunaıGaz» ulttyq kompanııasymen jáne munaı salasynda jumys isteıtin basqa da respýblıkalyq sharýashylyq qurylymdarmen, atqarýshy ókimet organdarymen ózara is-qımyldy basymdyqty másele retinde qarastyryp, olarmen tarıftik kelisim jasady. Jańa birlestiktiń qyzmeti Atyraý, Aqtóbe, Batys Qazaqstan, Mańǵystaý jáne Qazaqstannyń basqa da oblystaryndaǵy munaı-gaz kásiporyndarynyń kásipodaq uıymdaryn qamtıdy.  

2006 jyly Astanada Qazaqstan isker áıelder qaýymdastyǵynyń uıymdastyrýymen áıelderdiń birinshi Eýrazııalyq sammıti ótti. Oǵan AQSh, Norvegııa, Germanııa, Ispanııa, Bolgarııa, Ońtústik Afrıka Respýblıkasy, Túrkııa, Reseı, Qyrǵyzstan, Ázerbaıjan, Ózbekstan sııaqty álemniń 20-dan astam elderiniń qoǵamdyq, saıası jáne saýda uıymdarynyń 400-ge jýyq jetekshisi men ókilderi qatysty. Jıynda áıelderdiń qoǵamdaǵy saıası máselelerge yqpaly, jahandaný protsesindegi áıelderdiń ekonomıkalyq múmkindikteri, áıelder men otbasynyń áleýmettik mártebesi sııaqty birqatar mańyzdy máseleler talqylanǵan.

2006 jyly Qazaqstan Respýblıkasy Prezıdentiniń janyndaǵy Otbasy jáne áıelder isteri jónindegi ulttyq komıssııa quryldy.

2010 jyly Astananyń memlekettik arhıvine Reseı Qorǵanys mınıstrliginiń Ortalyq arhıvi Ekinshi dúnıejúzilik soǵysqa burynǵy Aqmoladan barǵan atqyshtar dıvızııalary jaıyndaǵy birqatar qundy qujattardy berdi.

 

2012 jyly Almaty qalasyndaǵy №120 gımnazııada tanymal qazaqstandyq rejısser, stsenarııshi jáne akter Májıt Begalınniń murajaıy ashyldy. Álemniń túkpir-túkpirinen jınalǵan jádigerler arasynda áıgili kıno sańlaǵynyń tutynǵan zattary men kıimderi de bar.

Májıt Saparǵalıuly Begalın 1922 jyly 22 aqpanda Shyǵys Qazaqstan oblysy Abaı aýdany Degeleń aýylynda ómirge kelgen. 1978 jyly 5 mamyrda Almatyda 56 jasynda dúnıeden ozdy.

2016 jyly «National Geographic» jýrnalynyń qazaq tilindegi alǵashqy sany jaryqqa shyqty. Bul - elimizde memlekettik tilde taralatyn tuńǵysh sheteldik basylym.

Basylymnyń alǵashqy sanynda Qazaqstandaǵy ózekti ekologııalyq problemalarǵa nazar aýdaryldy. «Aral taǵdyry - adam taǵdyry» dep atalatyn maqalada ǵalamsharymyzdyń eń úlken sý qoımasy, Ortalyq Azııanyń mańyzdy strategııalyq nysany - Aral teńiziniń búgingi jaı-kúıi baıandalǵan.

2016 jyly Astanada qaterli aýrýlardan zardap shegetin balalardy emdeýge kómektesý maqsatynda «Dámdi Fest» qaıyrymdylyq festıvali ótti.

2017 jyly BUU Qaýipsizdik keńesiniń Eýropadaǵy janjaldarǵa arnalǵan otyrysy aıasynda Astana qalasy bul janjaldardy dıplomatııalyq jolmen sheshýge arnalǵan qosymsha alań retinde usynyldy.

2017 jyly Qyrǵyzstandaǵy qazaq dıasporasynyń bastamasymen respýblıkada alǵash ret qazaq tilinde «Aǵaıyn» jýrnaly jaryq kórdi. Basylymnyń quryltaıshysy - Qyrǵyzstandaǵy belgili dáriger Bolat Shalabaev.

2018 jyly Halyqaralyq ana tili kúni sheńberinde Horvatııa Respýblıkasy astanasynyń Matıa Gýbıtsa atyndaǵy Zagreb mektebinde qazaq tiliniń qazirgi zamanǵy damýyna jáne Qazaqstanda latyn álipbıin engizýine arnalǵan mádenı is-shara ótkizildi.

Shara barysynda qazaq aýyz ádebıetiniń erekshe dástúrleri - aqyndyq óneri, baı folklory men epostary, sondaı-aq jarqyn ádebı, aqyndyq jáne fılosofııalyq murasy atap ótildi. Prezıdent Nursultan Nazarbaevtyń bastamasymen usynylǵan «Rýhanı jańǵyrý» jalpyulttyq baǵdarlamasynyń júzege asyrylýy jáne qazaq álipbıin latyn árpine kóshirý Qazaqstannyń lıngvıstıkalyq, mádenı jáne rýhanı damýyn jańa dáýirge shyǵaratyny týraly aıtyldy.

2018 jyly Astanada Áıelder kúresi akademııasy ashyldy. Sporttyq keshenniń ashylýyna Sporttyq jekpe-jek jáne kúsh qoldanylatyn sport túrleri konfederatsııasy, QR Grek-rım, erkin jáne áıelder kúresi federatsııasy muryndyq bolǵan.

Basty sózder: Kúntizbe,
Joǵary qaraı