Aýa raıy
Astana -6 °S
Almaty -1 °S
valıýta baǵamy
USD 389.34
EUR 428.78
RUB 6.05
CNY 55.45

2025 jylǵa qaraı dárigerdiń jalaqysy 500 myń teńgeden asady - mınıstr

2019 jyldyń 4 qazan 2019 19:41

QARAǴANDY. QazAqparat – QR Densaýlyq saqtaý mınıstri Eljan Birtanov Qaraǵandy oblysyna sapary barysynda Medıtsına ýnıversıtetiniń rezıdentterimen jáne túlekterimen kezdesti, dep habarlaıdy QazAqparat.

Mınıstrliktiń baspasóz qyzmetinen málim etkendeı, júzdesýde rezıdentýra men ınternatýranyń 30-dan astam túlegi óz jumysy jaıly baıandap, vedomstvo basshysyna jeke suraqtaryn qoıdy.

Sondaı-aq «Dıplommen aýylǵa» baǵdarlamasyna uqsas joba arqyly qalalardaǵy jas mamandardy da turǵyn úımen qamtý jaıy sóz boldy. Eljan Birtanov bul másele sheshilip jatqanyn aıtyp ótti.

«Báıterek» qorymen birlesip jas mamandar úshin jalǵa beriletin turǵyn úı baǵdarlamasyn iske qosýdy josparlap otyrmyz«, - dedi mınıstr.

«Oblys ákimdigi Qazaqstandyq ıpotekalyq kompanııamen memorandýmǵa qol qoıdy jáne osy kelisim aıasynda jas dárigerlerge 200-ge jýyq páter bólýdi kózdep otyr», - dedi oblystyq Densaýlyq saqtaý basqarmasynyń basshysy Erjan Nurlybaev.

Kezdesý barysynda «patologoanatomııa» mamandyǵy boıynsha rezıdentýraǵa túsý máselesi de kóterildi. Eljan Birtanov joǵary oqý ornynyń túlekterine oblysqa osy mamandyq tyń asa qajet ekenin túsindirip, memleket esebinen qaıta daıarlaýdan ótýdi usyndy. Sondaı-aq, bul máseleni jeke baqylaýǵa aldy.

Eljan Birtanov jańadan oqýdy aıaqtaǵan jas áriptesterin quttyqtap, elimizde kásibı dárigerlerdiń qatary kóbeıgenin aıtty.

«Dáriger mamandyǵyn tańdaǵandaryńyz úshin alǵys aıtamyn. Biz GPA kóterdik, baǵdarlamany kúrdelendirdik. Sondyqtan, júzden júırik, úzdiktiń úzdigi ǵana súrinbeı, sońyna deıin oqydy. Menińshe, dáriger bolýdyń artyqshylyǵy kóp. Muny umytpańyzdar», - dedi ol túlekterge.

«Adam medıtsınalyq ınstıtýtqa bolashaqta jaıly jáne baı-qýatty ómir súrý úshin emes, mamandyqtyń ózine qyzyǵyp barady. Tańdaýlaryńyzǵa qashan da adal bolyńyzdar. Medıtsına ońaı kásip emes, ol únemi qarqyndy damý ústinde», - dedi mınıstr.

Vedomstvo basshysy densaýlyq saqtaý júıesinde jumys jasaý jaǵdaılary jaqsartyla beretinin, al jalaqy jyl saıyn kóterilip otyratynyn aıtty. Onyń aıtýynsha, 2025 jylǵa qaraı dárigerdiń tabysy 500-600 myń teńgeden asady. Sonymen qatar, kelesi jyly mindetti áleýmettik medıtsınalyq saqtandyrý engizilgen soń, jalaqy taǵy kóteriledi.







Joǵary qaraı