Aýa raıy
Astana 6 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

2019 jyly Qazaqstanda ótimdi bolǵan kólikter

2019 jyldyń 19 aqpan 2019 10:34

ASTANA. QazAqparat - 2019 jyldyń qańtarynda Qazaqstanda 3 227 avtokólik shyǵaryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar. Bul týraly QazAqparat «QazAvtoÓnerkásip» avtokólik salasyndaǵy kásiporyndar odaǵyna silteme jasap habarlaıdy.

Esepti kezeńde Qazaqstanda shyǵarylǵan kólikterdiń jalpy quny 21 mlrd teńgege baǵalanyp otyr. Jalpy, jeńil avtomobıl óndirý 52,3 paıyzǵa ósip, 3 109-ǵa jetti.

Qańtarda otandyq avtozaýyttar 2 389 kólikti ótkizip, bul kórsetkish byltyrǵa qaraǵanda 79,4 paıyzǵa joǵary boldy. Jergilikti óndiristegi avtomobılderdi satyp alýǵa turǵyndar 15,8 mlrd teńge jumsady.

Atalǵan merzimde Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Lada (1 013 kólik), Hyundai (790), KIA (320), Chevrolet (71) jáne Skoda (47) endi. Otandyq kásiporyndar usynatyn markalardyń tiziminde JAC (17) ı Peugeot (2) bar ekenin atap ótken jón.

Budan buryn habarlanǵandaı, 2018 jyly Qazaqstanda 32 298 avtokólik shyǵaryldy.

Avtor Rýslan Ǵabbasov
Basty sózder: Kólik, Ónerkásip,
Joǵary qaraı