Aýa raıy
Astana 8 °S
Almaty 7 °S
valıýta baǵamy
USD 389.59
EUR 429.06
RUB 6.05
CNY 55.07

2019 jyly Qazaqstanda grepplıngten álem chempıonaty ótedi

2018 jyldyń 10 jeltoqsan 2018 12:53

ASTANA. QazAqparat - Keler jyly Astanada greplıngten álem chempıonaty ótedi, dep habarlaıdy QazAqparat tilshisi.

«Qaýymdastyq aldyndaǵy keler jylǵa josparlanǵan jaýapty istiń biri ol Astanada ótetin grepplıngten álem chempıonaty. Onyń ereksheligi olımpıadalyq tártippen ótedi. Álem chempıonatynyń aldynda respýblıkalyq jáne Azııa chempıonatyn uıymdastyrý josparlanýda. ıAǵnı elimizdiń úzdik atanǵan sportshylary álem chempıonatyna joldama alatyn bolady», - dedi QR Grepplıng qaýymdastyǵynyń prezıdenti Qanat Alın jýrnalıstermen bolǵan baspasóz máslıhatynda.

Sonymen qatar, Q.Alın ústimizdegi jyly atqarylǵan qaýymdastyqtyń jumystaryna toqtalyp ótti.

«Osy jyldyń shilde aıynda Astanada grepplıngten «ASIA OPEN» halyqaralyq týrnıri ótti. Oǵan 500-den asa sportshy qatysyp, elimiz jalpy esepte І oryn ıelendi. Sondaı-aq, Qazaqstanda alǵash ret «WORLD CUP» grepplıngten joldastyq kezdesý ótip, oǵan AQSh, Reseı jáne óz elimizdiń myqtylary qatysty. Odan bólek, kúni keshe ǵana Astanada grepplıngten el kýbogy óz máresine jetti, onyń jeńimpazdary 2019 jyly Pekınde ótetin Azııa chempıonatynda el namysyn qorǵaıtyn bolady», - dedi ol.

Onyń aıtýynsha, búginde atalǵan sport túri elimizde keńinen tanylýda. Oǵan dálel barlyq oblys ortalyqtarynda grepplıng federatsııasy jumys istep, jasópirimderdi atalǵan sport túrine baýlýda. Sol sııaqty, «Nur Otan» partııasy Astana qalalyq ákimdigimen birlesip, elordalyq oqýshylar úshin grepplıngten «Mektep lıgasyn» qurdy. Aldaǵy jyly lıga basqa óńirlerde de óz jumysyn jandandarytan bolady.

«Taǵy bir mańyzdy dúnıe ústimizdegi jyldyń 5 qyrkúıeginde grepplıng sporty QR Mádenıet jáne sport mınıstrliginiń akkredıtatsııasyna ıe boldy. Bul degenimiz endi atalǵan sport túrine memlekettik turǵydan tıisti qoldaý men qarajat qarastyrylady degen sóz», - dedi Q.Alın.

Avtor Álı Ibraev
Basty sózder: Qoǵam, Sport,
Joǵary qaraı