Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

2018 jylǵy bıýdjet qansha paıyzǵa ıgerildi

2019 jyldyń 21 mamyr 2019 11:53

NUR-SULTAN. QazAqparat - Byltyr bıýdjettiń taza ıgerilýi 99,99 paıyz boldy. Bul týraly QR Parlamenti Senatynda Úkimettiń 2018 jylǵy respýblıkalyq bıýdjettiń atqarylýy týraly esebin tanystyrý barysynda Premer-Mınıstrdiń birinshi orynbasary - Qarjy mınıstri Álıhan Smaıylov málim etti, dep habarlaıdy QazAqparat tilshisi.

«Respýblıkalyq bıýdjettiń shyǵystary 9 trln 637 mlrd teńgege atqaryldy. Bul qarjy 12 memlekettik baǵdarlamanyń, 36 strategııalyq baǵyttardyń jáne 328 bıýdjettik baǵdarlamanyń júzege asyrylýyna jumsaldy. 18,8 mlrd teńge atqarylmady. Onyń ishinde Úkimet rezerviniń bólinbegen qaldyǵy 17 mlrd teńgeni jáne únemdelgen qarjy 0,3 mlrd teńgeni qurady. Bul shyǵystar Bıýdjet kodeksine sáıkes ıgerilmeý somasyna jatpaıdy. Sondyqtan taza ıgerý 99,99 paıyzdy qurady dep aıta alamyz», - dep túsindirdi Á. Smaıylov.

Onyń atap ótýinshe, 1,5 mlrd teńge kelisimshartty jasasý talaptarynyń ózgerýi men jumys kestesiniń keshigý sebebinen ıgerilmegen.

Osy oraıda taratylǵan málimetterge qaraǵanda, qarjynyń ıgerilmeýi birqatar ákimshilerge tıesili boldy. Bul rette Qorǵanys jáne aeroǵarysh ónerkásibi mınıstrligi - 309,6 mln teńge, Bilim jáne ǵylym mınıstrligi - 254,9 mln teńge, Qorǵanys mınıstrligi - 213,5 mln teńge, Aýyl sharýashylyǵy mınıstrligi - 159,7 mln teńge, sondaı-aq Ulttyq ekonomıka mınıstrliginde 149 mln teńge boldy.

«Esepti jyly 12 memlekettik baǵdarlamanyń iske asyrylýyna barlyq qarjylandyrý kózderinen 2,6 trln teńge qarajat bólindi. Esep komıteti óziniń Úkimettiń esebine bergen qorytyndysynda memlekettik baǵdarlamalardy ázirleý kezinde jiberilgen biraz ádistemelik kemshilikterdi atap ótti. Bul berilgen eskertýler Úkimettiń baqylaýyna alynatyn bolady. Olardy biz memlekettik josparlaý júıesin ári qaraı jetildirýde nazarǵa alatyn bolamyz», - dedi Úkimet basshysynyń birinshi orynbasary.

Avtor Rýslan Ǵabbasov
Basty sózder: Bilim, Senat,
Joǵary qaraı