Aýa raıy
Astana 8 °S
Almaty 14 °S
valıýta baǵamy
USD 389.98
EUR 434.01
RUB 6.10
CNY 55.04

20 aqpanǵa deıin jolǵa shyqpaǵan jón - TJK bastyǵy

2019 jyldyń 18 aqpan 2019 17:30

ASTANA. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker aýa raıyna baılanysty qazaqstandyqtarǵa 20 aqpanǵa deıin alys jolǵa shyqpaýǵa keńes berdi, dep habarlaıdy QazAqparat tilshisi.

Vladımır Bekkerdiń aıtýyna qaraǵanda, 18-20 aralyǵynda kún raıynyń buzylatyny týraly aldyn ala eskertý kelgen. Ótken táýlikte Almaty, Qaraǵandy jáne Shyǵys Qazaqstan oblystarynyń joldarynda kólikterdiń irkilisi tirkelgen.

«Qazirgi ýaqytta keptelisterdiń bári de retke keltirildi. Kólikter qar qursaýynan shyǵaryldy. Búgingi kúni Qaraǵandy baǵytyndaǵy joldar jabyq. Bálkim, kesh batqansha jabylǵan joldardyń sany artýy múmkin», - deıdi Vladımır Bekker TJK-da ótken baspasóz máslıhatynda.

Onyń aıtýyna qaraǵanda, Qazaqstanda osyndaı kún raıy 20 aqpanǵa deıin jalǵasady.

«Aldyn ala josparlanǵan sapardy keıinge qaldyrýǵa keńes beremin. Táýekelge barýdyń qajeti qansha? Azdaǵan burqasyn, kóktaıǵaqtyń paıda bolýy - jol boıynda osyndaı jaǵdaı týyndaǵanda bir jerge barýdyń qajeti bar ma? Múmkin bolsa, sapardan bas tartqan abzal. Báribir tas jol jabyq bolady. Mindetti tártip boıynsha jeńil bolsyn, aýyr júk kóligi bolsyn, joldar olarǵa jabyq bolady. Múmkindiginshe, qaýipsizdik úshin poıyzǵa otyrǵan jón», - deıdi ol.

Vladımır Bekkerdiń aıtýynsha, kún raıynyń buzylatyny týraly eskertý ońtústiktegi óńirler boıynsha da kelgen.

«Túrkistan oblysynda jańbyr kútiledi. Jańbyrdyń ekpini qatty bolýy yqtımal. Oblys aýmaǵynda qar joq dese de bolady. Al jańbyr jaýady», - deıdi V.Bekker.

Joǵary qaraı