Aýa raıy
Astana 14 °S
Almaty 24 °S
valıýta baǵamy
USD 384.87
EUR 432.52
RUB 6.11
CNY 55.95

19 maýsym kúni Qazaqstanda ótetin mańyzdy sharalar

2019 jyldyń 18 maýsym 2019 20:53 677

NUR-SULTAN. QazAqparat - «QazAqparat» Halyqaralyq aqparat agenttigi Qazaqstanda 19 maýsym kúni ótetin mańyzdy sharalarǵa sholýyn usynady.

NUR-SULTAN

Saǵat 9.15-te Redısson qonaq úıinde týberkýlezdi ıntegratsııalyq baqylaý boıynsha Ortalyq Azııadaǵy tórtinshi halyqaralyq konferentsııa ótedi.

Saǵat 10.00-de QR Parlament Májilisiniń jalpy otyrysy bolady.

Saǵat 15:00-de Bolashaq talqylaý klýby «Báıterek» UBH» AQ ǵımaratynda  QR Prezıdentiniń saılaýy, mıtıngter jáne basqa da máselelerin talqylaıdy.

Saǵat 15.00-de QR Úkimetiniń baspasóz ortalyǵynda erekshe qajettiligi bar adamdardyń quqyqtaryn qamtamasyz etý jáne ómir súrý sapasyn jaqsartý máseleleri boıynsha baspasóz konferentsııasy ótedi.

Saǵat 15.00-de Nur-Sultan qalasyndaǵy Ulttyq akademııalyq kitaphanada Qazaqstan halqy Assambleıasy tóraǵasynyń orynbasary Janseıit Túımebaevtyń tóraǵalyǵymen Assambleıanyń Ǵylymı-saraptamalyq keńesiniń keńeıtilgen otyrysy jumysyn bastaıdy.

Saǵat 15.40-ta Qarashyǵanaq jobasynda jergilikti qamtýdy damytýǵa baǵyttalǵan «Qarashyǵanaq Petrolıým Opereıtıng B. V.» kompanııasy men Honeywell korporatsııasy arasyndaǵy ózara túsinistik jónindegi memorandýmǵa qol qoıý rásimi bastalady.


ALMATY

Saǵat 09.00-de «Turan» ýnıversıtetinde Almaty qalasy qoǵamdyq keńesiniń otyrysy ótedi.

Saǵat 11.00-de Azamattyq ortalyqta «Qazaqstan - 2050» Almaty qalasynyń demokratııalyq kúshteri koalıtsııasy kezekten tys prezıdent saılaýynyń qorytyndysyn jáne memleket basshysy Qasym-Jomart Toqaevtyń baǵdarlamalyq nusqaýlaryn talqylaıdy.

Saǵat 14.00 -de Almaty alańynda «Burynǵy Keńes Odaǵynyń halyqtary: Uly Otan soǵysy men Uly Jeńiske birge» taqyrybynda Almaty- Máskeý-Mınsk beınekópiri ótedi.

Saǵat 14.30-da «Almaty-1» temirjol vokzalyn qaıta jańartýǵa qatysty qorshaǵan ortaǵa áserdi baǵalaý boıynsha tyńdaý ótedi.

Saǵat 15.00-de «Aurora Space» áleýmettik medıtsınalyq saqtandyrý qory keńistiginde Qazaqstannyń densaýlyq saqtaý júıesine mindetti áleýmettik medıtsınalyq saqtandyrý paketin (MÁMS) jáne tegin kepildi medıtsınalyq kómektiń jańa modeldegi kólemin (TMKKK) engizý máseleleri talqylanady.

Saǵat 19.00-de «Esentai mall» saýda oıyn-saýyq ortalyǵynda qazaq tiline dýblıajdalǵan «Oıynshyqtar tarıhy-4» fılminiń aldyn ala kórsetilimi ótedi.

Saǵat 19.00-de Abaı atyndaǵy Qazaq memlekettik akademııalyq opera jáne balet teatrynda Tuńǵysh Prezıdent - Elbasy Qory laýreattarynyń «Júrektegi armanmen-shyńǵa shyǵý jolynda» atty kontserti bastalady.


ShYMKENT

Saǵat 08.20-da Shymkent qalasynyń ákimi Ǵabıdolla Ábdirahymovtyń qatysýymen alǵashqy mýnıtsıpaldyq avtobýs parki ashylady.


AQTÓBE

Saǵat 14:00-de  «Jubanovtar álemi»  shyǵarmashylyq ortalyǵynda ánshi Nurlan Abdýllınniń qaıyrymdylyq kontserti ótedi.

 

 

Avtor Esimjan Naqtybaı
Basty sózder: Qoǵam,
Joǵary qaraı