Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

19 mamyr. QazAqparat kúntizbesi

2019 jyldyń 19 mamyr 2019 07:00

ASTANA. QazAqparat - QazAqparat oqyrmandarǵa 2019 jylǵy 19 mamyrǵa arnalǵan kúntizbeni usynady.

ATAÝLY KÚNDER

Túrkııada Atatúrik kúni, sondaı-aq jastar jáne sport kúni

Búgin Túrkııadaǵy Mustafa Kemal Atatúrik bastaǵan ult-azattyq kúrestiń bastalýyna 100 jyl toldy. 1919 jyldyń 19 mamyrynda táýelsizdik úshin kúresken ulttyq-revolıýtsııalyq qozǵalys lıderi Mustafa Kemal Atatúrik 9-ynshy armııanyń ınspektory retinde Samsýnǵa kelip, sheteldik ınterventsııaǵa qarsy mobılızatsııa jarııalady. Bul kún Túrkııanyń azattyǵy úshin soǵystyń resmı bastalǵan kúni bolyp sanalady. Sol kezde Túrkııa men Grekııa soǵysyp jatqan bolatyn. Keıinnen Atatúrik sóılegen sózderiniń birinde 19 mamyrdy óziniń týǵan kúni dep jarııalady (onyń naqty týǵan kúni belgisiz).

Táýelsizdik úshin ulttyq qozǵalystyń negizin jastar quraǵandyqtan, 1938 jyldyń 20 maýsymy kúni 19 mamyrdy Jastar jáne sport kúni retinde belgileý týraly zań shyqty.

Dúnıejúzilik JITS qurbandaryn eske alý kúni

Mamyr aıynyń úshinshi jeksenbisinde álem halqy ǵasyr derti atanǵan atalmysh indettiń qurbandaryn eske alady. Bul álemdik qoǵamdastyq nazaryn osy aýrýǵa jáne AITV-men syrqattanǵan jandarǵa aýdarý úshin jasalýda. Alǵash ret JITS qurbandaryn eske alý kúni San-Frantsısko qalasynda 1983 jyly atalyp ótedi.

ESTE QALAR OQIǴALAR

1995 jyly Almatyda Elbasy Nursultan Nazarbaevtyń qatysýymen banknot fabrıkasy ashyldy. Banknota fabrıkasy jalǵan aqsha belgilerinen qorǵaıtyn, kórkem jáne polıgrafııalyq ónimdi joǵary deńgeıde oryndaıtyn biregeı jabdyqtardan qurylǵan. Onyń menshikti bazasynan nomınaly 100, 200, 500, 1000, 2000, 5000, 10000 teńgelik banknottar shyǵarylǵan. Qazir fabrıkada banknotalardan basqa tólqujat, kýálik, dıplom, attestat, kýálik qaǵaz, aktsız markalary sııaqty qujattardyń júzden astam túrleri shyǵarylady.

1997 jyly «Qazaqstan Respýblıkasynda azamattardyń densaýlyǵyn saqtaý týraly» Zań qabyldandy.

2005 jyly Astanada Belarýs Respýblıkasynyń Qazaqstandaǵy elshiligi ashyldy. Elshiliktiń ashylý saltanatyna Elbasy Nursultan Nazarbaev pen Belarýs Prezıdenti Aleksandr Lýkashenko qatysty.
Qazaqstan Respýblıkasy men Belarýs Respýblıkasy arasyndaǵy dıplomatııalyq qarym-qatynas 1992 jyldyń 16 qyrkúıeginde ornaǵan.

2011 jyly Qazaqstan Respýblıkasynyń memlekettigi men egemendigin nyǵaıtýǵa eleýli úles qosqan QR azamattary men shetel azamattaryn yntalandyrý, sondaı-aq Qazaqstan Respýblıkasy Táýelsizdiginiń 20 jyldyǵyn toılaý maqsatynda «Qazaqstan Respýblıkasynyń Táýelsizdigine 20 jyl» mereıtoılyq medali bekitildi.

2011 jyly Álııa Moldaǵulovanyń memorıaldyq mýzeıi jańa eksponattarmen tolyqty.

Mýzeıge tapsyrylǵan baǵaly eksponattardyń ishinde artıllerııalyq mınalardyń nemis jáshigi, gaýbıtsa zeńbireginiń bólshegi, saperlyq kúrek, kaskalar, Degtıarev pýlemetiniń dıski boldy.

2014 jyly Qazaqstan Prezıdenti Nursultan Nazarbaevqa «Jibek joly» rýhyn bıiktetkeni, ózara senimdi, dostyqty, yntymaqtastyqty nyǵaıtqany, álem elderimen birge ósip-órkendeýge, tatýlyqqa jáne ortaq damýǵa yqpal etkeni úshin Jibek jolynyń beıbitshilik syılyǵy tapsyryldy.

2015 jyly Qyrǵyzstan astanasynda «Aq Іlbirs - 2015» ulttyq kınosyılyǵy uıymdastyrǵan sharada rejısser Ádilhan Erjanov túsirgen qazaqstandyq «Qojaıyndar» fılmi «Ortalyq Azııadaǵy úzdik fılm» nomınatsııasyn jeńip aldy.

2016 jyly Shyǵys Qazaqstanǵa osy ýaqytqa deıin júrgizilgen qazba jumystary barysynda tabylǵan biregeı jádigerler jetkizildi. Olardyń arasynda Shilikti, Berel, Qyryqkúńgir, Aqsýattan tabylǵan súıekter men tastar, keramıka, qoladan jasalǵan zattar bar.

2016 jyly Iordanııanyń KASOTC oqý-jattyǵý ortalyǵynda arnaıy maqsattaǵy toptar arasyndaǵy 8-shi jyl saıynǵy «Warrior-2016» saıysy ótti. Jarysqa qazaqstandyq áskerı qyzmetshiler de qatysty. Budan ózge ol jerge Qytaıdan «Shabýyldaýshy aq tuıǵyn», Kolýmbııanyń «Kommandos», Lıvandyq «Qara pantera», AQSh «Teńiz mysyqtary» jáne basqa da arnaıy bólimsheler keldi.

2017 jyly Qytaıda tanymal «Easy» jýrnaly qazaqstandyq ánshi Dımash Qudaıbergenge birneshe bet arnady. Kezekti nómirde ánshiniń sýretteri men suhbaty jarııalandy.

2017 jyly Qazaqstan kınoındýstrııasy tarıhynda alǵash ret 70-shi Kann festıvalinde (Frantsııa) Qazaqstannyń ulttyq pavılony ashyldy.

Qazaqstannyń alǵashqy pavılony Festıvaldar saraıynyń aldynda, Le Village International kınobazarynyń aýmaǵynda ornalasty.

Pavılonnyń jumysy birlesip kıno shyǵarý, ulttyq fılmderdi qarjylandyrý úshin áleýetti seriktesterdi tartýǵa, Qazaqstannyń kınoındýstrııasyn jańǵyrtý jáne týrızmdi damytýǵa jaǵdaı jasady.

2017 jyly QR Ulttyq akademııalyq kitaphanasynda Alashorda úkimeti men Alash avtonomııasynyń 100 jyldyǵyna oraı «El-Shejire» qoǵamdyq qory shyǵarǵan ǵalym-jazýshy Tursyn Jurtbaıdyń «Alash qozǵalysy» atty 3 tomdyq qujattar jınaǵy men Bolat Múrsálimniń «Alashorda» fotoalbomynyń tanystyrylymy ótti.

2018 jyly Shyǵys Qytaı pedagogıkalyq ýnıversıtetiniń (Shanhaı) stýdenti Dana Toıbaǵarova jáne Qytaı munaı ýnıversıtetiniń (Tsındao) ekinshi kýrs magıstranty Erǵalı Saıanuly Shanhaı yntymaqtastyq uıymy elderi arasynda qytaılyq kallıgrafııa boıynsha ótken «Gochjen Kýbogy» baıqaýynda birinshi oryn aldy.

Basty sózder: Kúntizbe,
Joǵary qaraı