Awa rayı
Astana 0 °S
Almatı 9 °S
valyuta bağamı
USD 364.35
EUR 419.95
RUB 5.56
CNY 52.52

16 tamız. Twğan kün ïelerі

2018 jıldıñ 16 tamız 2018 08:15 543

ASTANA. QazAqparat - Bügіn, yağnï 16 tamız künі tulğalardan kіmder dünïege kelgen? QazAqparat oqırmandarına esіmder küntіzbesіn usınadı.

ESІMDER



null 79 jıl
 burın (1939) Qazaqstan Respwblïkası dïplomatïyalıq qızmetіnіñ eñbek sіñіrgen qızmetkerі  Qayrat ÏSAĞALÏEV dünïege keldі.
Atıraw oblısında twğan. Almatı şet tіlderі pedagogïkalıq ïnstïtwtın bіtіrgen. Mektep-ïnternatta francwz tіlіnіñ oqıtwşısı, Embі awdandıq komsomol komïtetіnіñ bіrіnşі xatşısı qızmetterіn atqarğan. 1969-1971 jıldarı - Aljïrdegі keñestіk mamandar tobınıñ awdarmaşısı. 1971-1976 jıldarı - Qazaq şeteldіk memlekettermen dostıq jäne mädenï baylanıs qoğamınıñ bölіm meñgerwşіsі. 1976-1979 jıldarı - Qazaq KSR Sırtqı іster mïnïstrlіgіnіñ bölіm meñgerwşіsі. 1979-1981 jıldarı - Qazaqstan Kompartïyası Ortalıq Komïtetіnіñ nusqawşısı. 1981-1985 jıldarı - «Ïntwrïst» sırtqı ekonomïkalıq akcïonerlіk qoğamınıñ bölіmşe bastığı. 1985-1988 jıldarı - Almatı oblıstıq käsіpodaq keñesіnіñ nusqawşısı. 1990-1992 jıldarı - Qazaqstan Respwblïkası Avtomobïl joldarı mïnïstrlіgіnіñ bas mamanı. 1992-1997 jıldarı - Qazaqstan Respwblïkası Sırtqı іster mïnïstrlіgіnіñ bölіm meñgerwşіsі, basqarma bastığı, mïnïstrlіktіñ keñesşіsі. 1997-1999 jıldarı - Qazaqstan Respwblïkasınıñ Türіkmenstandağı Elşіlіgіnіñ keñesşіsі. 1999-2002 jıldarı - Qazaqstan Respwblïkasınıñ Moñğolïyadağı іsterіnіñ waqıtşa senіmdі ökіlі. 2002-2004 jıldarı - Qazaqstan Respwblïkası Sırtıq іster mïnïstrіnіñ keñesşіsі. 2004 jıldan bastap äl-Farabï atındağı Qazaq ulttıq wnïversïtetіnіñ ağa oqıtwşısı bolıp іsteydі.



null 58 jıl burın
(1960) Pavlodar oblısınıñ Qaşır awdanınıñ äkіmі Janat Raşïtulı ŞUĞAEV dünïege keldі.

Pavlodr oblısında twğan. 1983 jılı Celïnograd (qazіrgі Astana) awılşarwaşılıq ïnstïtwtın ğalım-agronom mamandığı boyınşa bіtіrgen.










null 54 jıl
 burın (1964) «Mïr» memleketaralıq teleradïo kompanïyasınıñ

Qazaq ulttıq fïlïalınıñ dïrektorı  Asqar Änwarbekulı ÄLІMJANOV dünïege keldі.
Almatı qalasında twğan. Qazaq memlekettіk wnïversïtetіn bіtіrgen. Jastardıñ älewmettіk bağdarlamaları qorınıñ tіlşіsі, awdarmaşısı, jawaptı xatşısı, «Lenïnskaya smena» gazetіnіñ tіlşіsі qızmetterіn atqarğan. 1991-1992 jıldarı - «Azïya-press» aqparat agenttіgіnіñ redaktorı, «Tañ» telearnası aqparattıq bölіmіnіñ meñgerwşіsі. 1992-1996 jıldarı - «Akbar» xalıqaralıq jwrnalïstïka ortalığınıñ rektorı, vïce-prezïdentі. 1996-1997 jıldarı - «Xabar» agenttіgі jañalıqtar qızmetіnіñ ağa, bas redaktorı. 1997-2000 jıldarı - Qazaqstan Respwblïkası Prezïdentі baspasöz qızmetі jetekşіsіnіñ orınbasarı. 2000-2002 jıldarı - Orta Azïyalıq jüyelі zerttewler qorınıñ bölіm bastığı. 2002-2004 jıldarı - «Repwtacïya» kommwnïkatïvtіk texnologïyalar ortalığınıñ keñesşіsі, damw jönіndegі dïrektorı, bas dïrektorı. 2004-2005 jıldarı - «Perspektïva» sayasï konswltacïya berw qorınıñ bas dïrektorı. 2005-2006 jıldarı QR Parlamentі Mäjіlіsі törağasınıñ baspasöz xatşısı - xatşılıq meñgerwşіsіnіñ orınbasarı, «Qazaqstan» teleradïo korporacïyası törağasınıñ bіrіnşі orınbasarı qızmetterіn atqarğan. 2006-2007 jıldarı «Qazaqstan» RTRK» AQ basqarma törağasınıñ bіrіnşі orınbasarı, bas prodyuserі. 2007-2008 jıldarı - Qazaqstan Respwblïkasınıñ Resey Federacïyasındağı Elşіlіgіnіñ bіrіnşі xatşısı, baspasöz qızmetіnіñ jetekşіsі. Qazіrgі qızmetіnde 2009 jıldıñ qañtarınan bastap іsteydі.



null 42 jıl
 burın (1976) Qazaqstant Respwblïkası Ulttıq bankіnіñ xalıqaralıq qatınastar jäne qoğammen baylanıs departamentіnіñ dïrektorı -  Aydar Qalımtayulı QAZIBAEV dünïege keldі.

Astana qalasında dünïege kelgen. L.Gwmïlev atındağı Ewrazïya wnïversïtetіn ekonomïst-menedjer mamandığı boyınşa (1997) bіtіrdі; Qazaq  gwmanïtarlıq-zañ wnïversïtetіnde quqıqtanw bakalavrı därejesіn aldı (2008).

Eñbek jolı: Qazaqstan Respwblïkasınıñ strategïyalıq josparlaw jäne reformalar jönіndegі agenttіgі tawar narığın taldaw bölіmіnіñ jetekşі mamanı (1998-1999); Qazaqstan Respwblïkası energetïka, ïndwstrïya jäne sawda mïnïstrlіgіnіñ  sawda jönіndegі basqarmasınıñ bas mamanı (1999-2000); Qazaqstan Respwblïkası ekonomïka jäne sawda mïnïstrlіgі ïntegracïyalar bölіmіnіñ basşısı (2000); Qazaqstan Respwblïkası ekonomïka jäne sawda mïnïstrlіgі sawda qızmetіn rettew basqarması basşısınıñ orınbasarı (2000-2001); Qazaqstan Respwblïkası ekonomïka jäne sawda mïnïstrlіgі xalıqaralıq ıntımaqtastıq departamentі basqarmasınıñ basşısı (2001-2002); Qazaqstan Respwblïkası ïndwstrïya jäne sawda mïnïstrlіgі sawda sayasatı jäne DSU-ğa kіrw jönіndegі departament dïrektorınıñ orınbasarı (2002-2003); Qazaqstan Respwblïkası ïndwstrïya jäne sawda mïnïstrlіgі jïıntıq taldaw jäne saraptamalıq baqılaw departamentіnіñ dïrektorı (2003-2004); Qazaqstan Respwblïkası ïndwstrïya jäne sawda mïnïstrі apparatınıñ basşısı (2004); Qazaqstan Respwblïkası ïndwstrïya jäne sawda mïnïstrlіgі şağın bïznestі qoldaw komïtetіnіñ törağası (2004-2005); «Şağın käsіpkerlіktі damıtw qorı» AQ käsіpkerlіktі damıtw ortalığı dïrektorı (2005-2006); «Kazmortransflot» UTSK» AQ sırtqı baylanıstar departamentіnіñ dïrektorı (2006-2007); QR ïndwstrïya jäne sawda mïnïstrlіgі sawda qızmetіn rettew komïtetі törağasınıñ orınbasarı (2007); Qazaqstan Respwblïkası ïndwstrïya jäne sawda mïnïstrlіgі (2010 jıldan bastap Ekonomïkalıq damw jäne sawda mïnïstrlіgі) sawda komïtetіnіñ törağası (2007-2013).

2014 jıldan berі qazіrgі qızmetіnde.



null 98 jıl
 burın (1920-1976) äskerï uşqış, avïacïya general-leytenantı, Keñes Odağınıñ ekі märte batırı, KSRO-nıñ eñbek sіñіrgen äskerï uşqışı BEDA Leonïd Ïgnatevïç dünïege keldі.
Qostanay oblısınıñ Uzınköl awdanında twğan. Oral muğalіmder ïnstïtwtın, Joğarı uşw-taktïkalıq mektebіn, Äskerï äwe küşterі akademïyasın jäne Bas ştab äskerï akademïyasın bіtіrgen. 1941 jılı V.Çkalov atındağı 1-іnşі äskerï avïacïya wçïlïşesіn jıldam uşatın bombalawşı uşaq uşqışı mamandığı boyınşa bіtіrgennen keyіn, «Ïl-2» şabwıl uşağına mamandanw üşіn wçïlïşede qaldırıladı. 1942 jılğı tamızdıñ 16-ında Stalïngrad maydanınıñ 226-şabwıldıq avïadïvïzïyasınıñ 505-şabwıldıq avïapolkі quramında soğısqa aralasadı. Osı şayqas kezіndegі erlіgі üşіn Qızıl Juldız ordenіmen marapattaladı. Donbastı, Tavrïyanı azat etwge, Qırımdağı Sapwn tawı men Xersones müyіsіndegі urıstarğa qatısadı. Soğıstıñ soñına taman Baltıq jağalawı elderіn azat etwge, Şığıs Prwssïya qamaldarı men Kenïsgberg qalaların şabwıldawğa qatısadı. Ol 214 ret jawıngerlіk tapsırma alğan. Onıñ 154-іnde uşaqtarğa özі jetekşіlіk etken. Soğıstan soñ äskerï qızmetіn odan ärі jalğastırıp, Belarws äskerï okrwgіnіñ avïacïya qolbasşısı därejesіne deyіn köterіldі. Köptegen orden, medaldarmen marapattalğan.




null 60 jıl 
burın (1958) amerïkalıq änşі, änder avtorı, prodyuser, aktrïsa, rejïsser jäne scenarïst MADONNA (tolıq atı-jönі - Madonna Lwïza Veronïka Çïkkone) dünïege keldі.

Bastı sözder: Küntіzbe,
Joğarı qaray