Aýa raıy
Astana 19 °S
Almaty 30 °S
valıýta baǵamy
USD 386.05
EUR 428.25
RUB 5.84
CNY 54.65

15 shilde. Týǵan kún ıeleri

2019 jyldyń 15 shilde 2019 08:08 192

NUR-SULTAN. QazAqparat - QazAqparat 15 shildege arnalǵan «Týǵan kún ıeleri» kúntizbesin usynady.

ESІMDER

62 jyl buryn (1957) QR Parlamenti Senatynyń depýtaty Dýısenǵazy Maǵaýııauly MÝSIN dúnıege keldi.

Semeı oblysynyń Jarma aýdany Ilınka aýylynda týǵan. Qazaq aýyl sharýashylyǵy ınstıtýtyn (1979) agronom mamandyǵy boıynsha; qazaq gýmanıtarlyq zań ýnıversıtetin (2004) zańger mamandyǵy boıynsha bitirgen. 1979 jyldan - V.I. Lenın atyndaǵy ujymshardyń tuqym ósirýshi-agronomy, bas agronomy (Semeı oblysy Jarma aýdany Igorevka aýyly). 1985-1988 jyldary - ShQO Jarma aýdany aýyl sharýashylyq bóliminiń meńgerýshisi. 1993 jyly - Jarma aýdany Jaryq aýyly asyl tuqymdy keńshar dırektory, 1996 jyly - «Qalbataý» asyl tuqym zaýyty» AQ Dırektorlar keńesiniń tóraǵasy. 2001 jyly - ShQO Jarma aýdanynyń ákimi. 2009 jyly - Shyǵys Qazaqstan oblysy Kókpekti aýdanynyń ákimi boldy. Senat depýtaty bolyp saılanǵanǵa deıingi sońǵy qyzmeti - Shyǵys Qazaqstan oblysy ákiminiń agrarlyq máseleler boıynsha orynbasary. 2017 jylǵy maýsymda QR Parlamenti Senatynyń depýtaty bolyp saılandy.

61 jyl buryn (1958) Qoja Ahmet ıAssaýı atyndaǵy halyqaralyq qazaq-túrik ýnıversıtetiniń rektory Bolatbek Serikbaıuly  ÁBDІRASYLOV dúnıege keldi.

Bıologııa ǵylymdarynyń doktory, fızıka-matematıka ǵylymdarynyń kandıdaty. Qazaqstan Respýblıkasy Ulttyq ǵylym akademııasynyń qurmetti akademıgi, Qazaqstan Respýblıkasy jaratylystaný ǵylymdary akademııasynyń, Reseı jaratylystaný ǵylymdary akademııasynyń, Halyqaralyq joǵary mektep akademııasynyń akademıgi. Bilimi joǵary. N.V.Gogol atyndaǵy Qyzylorda pedagogıka ınstıtýtyn jáne Máskeý Ekonomıka jáne statıstıka ýnıversıtetiniń Qashyqtan oqytý ınstıtýtyn bitirgen.
1980-1986 jyldary - Máskeý oblysyndaǵy SSSR ǴA Bıofızıka ınstıtýtynyń stajer-zertteýshisi, aspıranty. 1986-1994 jyldary - N.Gogol atyndaǵy Qyzylorda pedagogıka ınstıtýtynyń oqytýshysy, dotsenti, dekany, prorektory. 1994-1996 jyldary - Reseı ǵylymdar akademııasy Jasýsha bıofızıkasy ınstıtýtynyń aǵa ǵylymı qyzmetkeri. 1996-2000 jyldary - Qorqyt Ata atyndaǵy Qyzylorda ýnıversıtetiniń birinshi prorektory, rektory. 2000-2001 jyldary - Qazaqstan Respýblıkasy Memlekettik qyzmet isteri agenttiginiń Aqparat jáne testileý ortalyǵynyń dırektory. 2001-2004 jyldary - Qazaqstan Respýblıkasy Bilim jáne ǵylym mınıstrligi Joǵary jáne joǵary oqý ornynan keıingi bilim departamentiniń dırektory. 2004-2007 jyldary - Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy qadaǵalaý men attestatsııalaý komıtetiniń tóraǵasy. 2007-2010 jyldary - Qazaqstan Respýblıkasy Prezıdenti Ákimshiliginiń memlekettik ınspektory. 2010 - 2012 jyldary - Qazaqstan Respýblıkasy Bilim jáne ǵylym mınıstrliginiń jaýapty hatshysy. 2012 - 2016 jyldary - QR Prezıdentiniń janyndaǵy Memlekettik basqarý akademııasynyń rektory. 2017-2018 jyldary QR Bilim jáne ǵylym mınıstrligi Ǵylym komıtetiniń tóraǵasy boldy.

Qazirgi qyzmetinde - 2018 jyldyń maýsymynan.


Reseı, Avstralııa, Gollandııa, Ońtústik Koreıa, AQSh-tyń jetekshi jýrnaldarynda 60-tan astam ǵylymı jumystary jaryq kórgen.
«Qurmet» ordenimen nagradtalǵan. Reseı Jaratylystaný ǵylymdary akademııasynyń P.L.Kapıtsa atyndaǵy estelik medalimen marapattalǵan.

47 jyl buryn (1972) «Azamattarǵa arnalǵan úkimet» memlekettik korporatsııasy» UAQ basqarmasy tóraǵasynyń orynbasary Birjan Ýálıuly JÚNІSOV dúnıege keldi.

Qaraǵandy oblysynyń Ulytaý aýdanynyń Amankeldi aýylynda týǵan. 1995 jyly - Jezqazǵan pedagogıka ınstıtýtyn «qazaq tili jáne ádebıeti mamandyǵy» boıynsha bitirgen. 2005 jyly - Qaraǵandy qarjy ınstıtýtyn «esep jáne aýdıt mamandyǵy» boıynsha támamdaǵan.

1995-1996 jyldary - Jezqazǵan oblystyq tilder basqarmasynda memlekettik til bóliminiń jetekshi mamany. 1996-1997 jyldary - Jezqazǵan oblystyq halyqty áleýmettik qamsyzdandyrý basqarmasynyń zeınetaqy qory isi bóliminiń I sanatty mamany. 1997-2002 jyldary - zeınetaqy tóleý memlekettik ortalyǵynyń (ZTMO) Jezqazǵan qalalyq fılıalynda bas maman, operatsııalyq bólim bastyǵy, tólemder bóliminiń bastyǵy. 2002-2003 jyldary - Jazqazǵan qalasynda «Memlekettik jınaqtaýshy zeınetaqy qory» JAQ ókildiginiń dırektory. 2003-2004 jyldary - ZTMO-nyń Qaraǵandy oblystyq fılalynyń Jezqazǵan qalalyq bóliminde basshy.  2004-2006 jyldary - ZTMO-nyń Qaraǵandy oblystyq fılalynyń Sátbaev qalalyq bóliminde basshy. 2006-2007 jyldary - Jezqazǵan qalasyndaǵy «Asar» ROO ókilettiginiń dırektory. 2007-2011 jyldary - ZTMO Almaty qalalyq fılıaly dırektorynyń orynbasary. 2011-2014 jyldary - ZTMO Almaty qalalyq fılıaly dırektory. 2014 jyldyń qyrkúıegi - 2019 jyldyń sáýiri - ZTMO RMQK bas dırektory. 

2019 jyldyń 25 sáýirinen - «Azamattarǵa arnalǵan úkimet» memlekettik korporatsııasy» UAQ basqarmasy tóraǵasynyń orynbasary


41 jyl buryn (1978) «Kazahstanskaıa pravda» respýblıkalyq gazeti» AQ basqarma tóraǵasy Vıacheslav Valentınovıch PAENKO dúnıege kelgen.

Almaty memlekettik ýnıversıtetiniń orys fılologııasy fakýltetin, qarjy jáne nesıe mamandyǵy boıynsha Ekonomıka jáne quqyq akademııasyn bitirgen (2005).

Eńbek joly: QR Premer-Mınıstri birinshi orynbasarynyń keńesshisi; «Bıznes-Partner» ekonomıkalyq mýltımedııalyq portalynyń bas redaktory; «Interfaks-Kazahstan» bas redaktory.

Qazirgi laýazymyn 2016 jylǵy qyrkúıekten beri atqaryp keledi.

Basty sózder: Kúntizbe,
Joǵary qaraı