Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

14 jasar qostanaylıq Rwbïk tekşesіn ayaqpen jïnawdan ulttıq rekord ornattı

2018 jıldıñ 23 qırküyek 2018 09:00 157

QOSTANAY. QazAqparat - Rwbïk tekşesіn ayaqpen jïnaw boyınşa Qazaqstannıñ ulttıq rekordın ornatqan Erasıl Bolısbek Qostanayda turadı, dep xabarlaydı QazAqparat.

Älemde satılım jağınan aldıñğı orında turğan oyınşıq - Rwbïk tekşesі. Bügіnge deyіn onıñ 400 mln-nan astamı satılğan degen derek bar.

Tіptі, 1987 jılı atalğan «basqatırğıştıñ» 14 mln danası satılğan. 

Sonımen, bul oyındı kіm oylap taptı? Vengrïyalıq säwletşі Erne Rwbïk Bwdapeşt texnologïya jäne ekonomïka wnïversïtetіnіñ qurılıs-arxïtektwralıq fakwltetіn bіtіrіp, 5 jıl boyı ğïmarattardı jobalawmen aynalısqan. Odan keyіn ol qoldanbalı öner akademïyasına oqıtwşı bolıp jumıs іsteydі. Sabaq berw barısında üş ölşemdі keñіstіktі üyretw öte qïın ekenіne közі jetіp, onı oñay tüsіndіrwdіñ jolın іzdewmen boladı.

Rwbïk alğaşında öz maqsatına qalay jetwdі köp oylandı. Bіr künі ol Dwnaydıñ jağasında otırıp, tolqındardıñ jumır tastardı arı berі qozğaltıp, olardan kölemdі geometrïyalıq fïgwralar jasaytındığına nazar awdaradı. Bul oğan oy salıp, üyіne asığa jetіp, bіr jobanı oylastıra bastaydı. Karton men ağaş іske aspağan soñ plastmassağa toqtaladı. Kіşі kölemdegі tekşeler 3 os boyınşa aynalwı üşіn Erne Rwbïk іşkі cïlïndr mexanïzmіn oylap tabadı. Ärtürlі nusqalardı qarastırğan Rwbïk öz jobasınıñ sırtqı beynesі üşіn altı tüstі qarapayım gammanı tañdaydı.

Stwdentterge bul ïdeya öte qattı unap, Rwbïk öte bіr qızıqtı oyın jasap şığarğanın tüsіnedі.

Rwbïk tekşesіn 1974 jıldan bastap keñ taraydı. Alğaş ret älem çempïonatı 1982 jılı Bwdapeştte ötedі. Sport oyındarınıñ qatarına enіp, oğan spïdkwbïng atawı berіledі. Sodan berі bul sport köptegen elde qarqındı damıdı. Al Qazaqstan spïdkwbïng çempïonatına 2009 jıldan berі qatısıp keledі. Sol jıldarda jalğız ğana ümіtkerіmіz älemdіk sındarğa barsa, 2016 jılı olardıñ sanı 16-ğa deyіn östі. Bıltırğı ötken älem çempïonatına 112 qazaqstandıq qatısıp, bіrneşewі jüldege іlіktі. Solardıñ bіrі - qostanaylıq Erasıl Bolısbek.

Erasıl bügіnde Sırbay Mäwlenov atındağı Qostanay mektep-gïmnazïyasında oqïdı. Ol Rwbïk tekşesіn mektepke barmay turıp qolğa ustadı.

«13 jasımda Astanada ötken QR çempïonatına qatıstım. Ondağı jetіstіgіmmen maqtana almasam da, Semeyde ötken «Semey Open 2018» xalıqaralıq sayısında Qazaqstannıñ ulttıq rekordın ornattım. 3x3x3 jüyedegі tekşenі 1:19,80 mïnwtta ayaqpen jïnadım», - deydі ol.


null  

Erasıl Bolısbektіñ aytwınşa, kez kelgen tekşenі jïnastırwşığa eñ kemі 20 jürіs qajet.

«Negіzі, bul ädіstі Ogayo ştatındağı Kent wnïversïtetіnіñ professorı Morlï Devïdson şığarğan. Ol kompyuterdіñ kömegі arqılı barlıq jürіstі muqïyat qarap, tïіmdі joldarın jazıp otırğan. Men tekşe qurastırwğa künіne 3-4 sağat waqıtımdı arnaymın. Oğan ketken waqıtqa ökіnbeymіn. Key kezderі äldebіr närsege qobaljısam qolıma Rwbïk tekşesіn alamın. Sebebі, ol adamnıñ jaysız köñіlіn sergіtedі. Sondıqtan qazіr dostarımdı da osı sport türіmen aynalıswğa şaqırıp jürmіn», - deydі spïdkwbïng şeberі.

Tekşenі şır aynaldırğanda ne qızıq bar dewіñіz mümkіn. Bіraq mamandardıñ keñesіne sensek, onı jay ğana aynaldıra berw azdıq etedі. Kerіsіnşe, Rwbïk tekşesі - jıldam oylaw men qoldıñ eptіlіgіn qajet etetіn sporttıq oyınnıñ bіr türі.


null 

«Rwbïk tekşesіn qurastırw boyınşa «Spïdkwbïng», «Bіr qol» jäne «Reskrambl» jüyelerі bar. Olar türlі ädіstermen jïnaladı. Spïdkwbïng sportınıñ sabaqta, äsіrese, matematïkalıq esepterdі şeşw kezіnde paydası zor. Sonımen qatar, oydı lezde jïnaqtap, durıs şeşіm şığara bіlwge de kömektesedі. Patrïk Ponsw esіmdі 15 jasar rekordşı tekşenі nebärі 4,69 sekwndta jïnaydı. Menіñ de armanım - älemdіk rekordşılardıñ därejesіne köterіlw. Ol üşіn älі köptegen ädіstі üyrenw qajet», - deydі Erasıl.

Erasıl Bolısbek osı waqıtqa deyіn 4 xalıqaralıq jarısqa qatıstı. Aktobe Cube Days 2018, Ural Winter 2018, Kazakhstan Open 2017 jarıstarında jaqsı nätïjelerge jettі. Bastısı, onıñ jetіstіkterі bükіlälemdіk Rwbïk tekşsesіn qurastırwşılardıñ tіzіmіne alındı.


null 

 

 

Joğarı qaray