Aýa raıy
Astana 18 °S
Almaty 31 °S
valıýta baǵamy
USD 387.34
EUR 428.44
RUB 6.04
CNY 54.58

120 úmitkerden 131 telefon tárkilendi – Jemqorlyqqa qarsy agenttik magıstratýraǵa túsý jaıly

2019 jyldyń 22 tamyz 2019 18:00

NUR-SULTAN. QazAqparat – QR Sybaılas jemqorlyqqa qarsy is-qımyl agenttiginiń Parasattylyq departamentiniń dırektory Danııar Sabyrbaev bıyl magıstratýraǵa túsý úshin tapsyrylatyn emtıhan kezinde qandaı buzýshylyqtar tirkelgenin aıtyp berdi, dep habarlaıdy QazAqparat tilshisi.

«Magıstratýraǵa tapsyrý protsesi aıtarlyqtaı synǵa toly boldy. Magıstrant bolǵysy kelgender jappaı telefondar men shpargalkalardy paıdalanýǵa tyrysty. Eger biz aýdıtorııaǵa kirer kezde baqylaýdy qolǵa almaǵanda... Tekseristiń nátıjesinde ǵana bul zattardyń bári alynyp otyrdy. Bir ǵana mysal keltireıin: Aqtóbe qalasynda 120 úmitkerden 131 telefon tárkilendi. 12 úmitker sonda da báribir telefonyn alyp kirgen. Abıtýrıentter qurmetti áriptester , siz ben biz bitirgen ýnıversıtetterden shyǵyp jatyr. JOO-lar ókinishke qaraı, jas býynǵa negizgi qundylyqtardy sińire almady. Osy tájirıbeden túısingenimiz: bizdiń JOO-lar parasatty jastardy tárbıeleý sekildi óziniń tarıhı mıssııasyn oryndaýdy qoıdy», - dedi Danııar Sabyrbaev búgin Ortalyq kommýnıkatsııalar qyzmetinde ótken baspasóz máslıhatynda.

Agenttik ókili taǵy birneshe mysal keltirdi. Onyń aıtýynsha, monıtorıngtik toptardyń, agenttiktiń ókilderi emtıhan tapsyrýshylardy baqylaýǵa belsene atsalysqan.

«Testileý kezinde 1021 adam aýdıtorııadan shyǵaryl dy . Salystyryp kórińiz, ótken jyly dál osylaı 174 adam ǵana aýdıtorııadan qýylǵan. Olardyń jumys nátıjeleri joıyldy. Fakt ilerdi ataıyn: Aqtóbe oblysyndaǵy Jubanov atyndaǵy aımaqtyq ýnıversıtet t iń túlekteri qataryndaǵy 42 adam ustalyp, anyqtalǵan chıterlerdiń (shpargalkamen nemese uıaly telefonmen ustalǵandar, aǵylshynnyń « cheat » – « aldaý » degen sózinen) 93 paıyzyn quraǵan. Sol sekildi Almaty oblysyndaǵy Jetisý memlekettik ýnıversıtetinde ustalǵan chıterlerdiń 100 paıyzy da atalǵan ýnıversıtettiń túlekteri bolyp shyqty. S.Amanjolov atyndaǵy ShQMÝ-da da úmitkerlerdiń 33 paıyzy chıterler bolsa, Qostanaı memlekettik ýnıversıtetinde 34 adam ustaldy. Bul – jalpy tapsyrýshylardyń 85 paıyzy. Jalpy, Qostanaı oblysynda 40 adam aýdıtorııadan qýyldy. Pavlodar oblysyndaǵy Toraıǵyrov atyndaǵy ýnıversıtette 51 chıter anyqtaldy. Almatyda Ál-Farabı atyndaǵy QazUÝ-da 61 adam (24 paıyzy), Qazaq ulttyq pedagogıkalyq ýnıversıtette de 59 adam (24 paıyz)... Jalpy, Almaty qalasy boıynsha 251 adam aýdıtorııadan shyǵaryldy. Mundaı jaǵdaı barlyq otandyq JOO-larda tirkeldi», - dedi Danııar Sabyrbaev.

Agenttik ókili osyǵan baılanysty JOO basshylyqtaryna óz saıasattaryn qaıta qaraýdy usynyp otyr.

Eske sala ketsek, buǵan deıin Dıdar Smaǵulov osy jyldyń 10-15 tamyzy aralyǵynda magıstratýraǵa túsý úshin ótkizilgen keshendi testileýdiń qorytyndysyn jarııalaǵan bolatyn.

Joǵary qaraı