Aýa raıy
Astana 7 °S
Almaty 0 °S
valıýta baǵamy
USD 389.98
EUR 434.01
RUB 6.10
CNY 55.04

11 myńnan astam polıtsııa qyzmetkeri jetispeıdi - Erlan Turǵymbaev

2019 jyldyń 18 aqpan 2019 16:47

ASTANA. QazAqparat - Elimizde 11 myńnan astam polıtsııa qyzmetkeri jetispeıdi. Bul týraly búgin QR Prezıdenti janyndaǵy Adam quqyqtary jónindegi komıssııa otyrysynda Іshki ister mınıstri Erlan Turǵymbaev málim etti, dep habarlaıdy QazAqparat tilshisi.

"Qazirgi ýaqytta ishki ister organdarynda kadrlyq jaǵdaı qıyn. Mamandardyń turaqsyzdyǵyna baılanysty jumystyń sapasy tómen. Osy jaǵdaı áli tolyq sheshilgen joq. Máselen, ótken jyly 8800-den astam qyzmetker jumystan shyqty. Sonyń 42 paıyzy óz erkimen ketken. Búgingi kúni 11200 polıtsııa qyzmetkeri jetkiliksiz. Ol jalpy 14 paıyzdy quraıdy. Sol sebepti Іshki ister mınıstrliginde jumys tolyqqandy atqarylmaı otyr", - dedi mınıstr.

Onyń atap ótýinshe, polıtsııa qyzmetkerleriniń quqyqtyq-áleýmettik jaǵdaıyn jaqsartý máselesi Elbasy men Úkimet qoldaýynyń arqasynda sheshilýde. Degenmen jańa formattaǵy polıtsııany qurý úshin keıbir máseleni sheshý qajet.

"Birinshiden, polıtsııa qyzmetkerleriniń jalaqysy tómen bolyp otyr. Máselen, polıtsııa serjantynyń ortasha jalaqysy búginde 87 myń teńgeni quraıdy. Al leıtenanttan maıorǵa deıingiler 110 myńnan 147 myń teńgege deıin jalaqy alady. Bul soma dál osynda sheni bar ózge organdardaǵy qyzmetkerlerdiń jalaqysynan 10-nan 50 paıyzǵa deıin tómen", - dedi E.Turǵymbaev.

Avtor Marlan Jıembaı
Basty sózder: Qoǵam, QR ІІM, Adam quqyǵy,
Joǵary qaraı