Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

100 jylǵa tatıtyn sharýa atqardyq - Nursultan Nazarbaev

2019 jyldyń 11 qazan 2019 21:54

NUR-SULTAN. QazAqparat - «Habar» telearnasyna bergen suhbatynda QR Tuńǵysh Prezıdenti - Elbasy Nursultan Nazarbaev 30 jyl tabysty eńbek etýiniń syrymen bólisti, dep habarlaıdy QazAqparat tilshisi.

Suhbat barysynda tilshiler Elbasydan 30 jyldyq tabysty eńbek etýiniń syryn aıtýyn ótingen edi.

«Ol týraly kóp jazyldy, kóp aıtyldy. Áneýgúni, jazda basshylyq qyzmettegi laýazymymnyń 30 jyldyǵyn atap ótken konferentsııada azamattar sóılep, qandaı jaǵdaıda boldyq, ne istedik degen máselelerdi talqyladyq. Shet jaǵasyn aıtyp kettim, eldiń senimin arqalap osy jyldardyń ishinde meniń seriktesterimmen, zamandastarymmen birge 100 jylǵa tatıtyn sharýany atqardyq. Onyń bári elge málim. Ál-aýqat úshin ekonomıka kerek qoı. Ekonomıka óspese, ekonomıkanyń ósip-órkendeýi bolmasa memlekettiń qaltasynda qarjy bolmaıdy. Al qarjy bolmasa zeınetaqyny da, jalaqyny da tóleı almaıdy», - dedi Elbasy.

QR Tuńǵysh Prezıdenti osy jyldardyń ishinde el ekonomıkasy 20 ese óskenin, 2 myńǵa jýyq aýrýhana men emhana, 1500-den astam mektep, 1 myńǵa tarta balabaqsha salynǵanyn eske saldy.

«Osynyń barlyǵy halyqtyń jaǵdaıy, ál-aýqaty. Osyndaı qamqorlyqtyń arqasynda, eldiń tabysynyń artýynyń arqasynda biz ortasha jasty 67-ten 73 jasqa asyrdyq. Buıyrtsa, odan da joǵarylap, 80 jasqa jetedi dep oılaımyz. Ol bizde qashan bolyp edi? Eshqashan bolǵan joq. Halyqtyń sany ózgerdi. Mysaly 1991 jyly men Táýelsizdikti jarııalar kezde Joǵarǵy keńestiń depýtattarynyń ishinde qazaqtyń sany 44 paıyz bolatyn, Qazaqstanda da solaı edi. Qazir Qazaqstanda qazaq sany 70 paıyzǵa jetip qaldy. Ol biz úshin úlken tabys. Keńes odaǵy qulady, el ne isterin bilmeı qaldy. »Osy jerde bolamyz ba, bolmaımyz ba«, »qazaq tilin bilmeıtinderdiń bolashaǵy joq eken« dep jan-jaqqa kóshken kezde halqymyzdyń sany 14 mıllıonǵa tómendep ketti. Qazir mine qudaıǵa shúkir, 18 mıllıonnan asyp jyǵylamyz. 18 mln 200 myń halqymyz bar. Onyń ishinde 70 paıyzy ózimizdiń qazaq», - dedi N.Nazarbaev.

Joǵary qaraı