Aýa raıy
Astana 17 °S
Almaty 26 °S
valıýta baǵamy
USD 384.52
EUR 431.32
RUB 6.10
CNY 55.89

100-den astam qazaqstandyq akter Walt Disney Pictures-tiń daýys bazasyna endi

2019 jyldyń 18 maýsym 2019 12:33 1230

NUR-SULTAN. QazAqparat - Ortalyq kommýnıkatsııalar qyzmetinde «Ózińnen basta» jobasy aıasynda qazaq tiline dýblıajdalǵan «Oıynshyqtar hıkaıasy-4» fılminiń tusaýkeserine arnalǵan baspasóz konferentsııasy ótti, dep habarlaıdy QazAqparat tilshisi.

«Bolashaq» korporatıvtik qory qamqorshylyq keńesiniń tóraıymy Dınara Shaıjúnisovanyń aıtýynsha, «Oıynshyqtar hıkaıasy-4» týyndysyn dýblıajdaý úshin Nur-Sultan jáne Almaty qalalarynda 50-den astam akter kastıgten ótken. Al fılm barysynda oınalatyn saýndtrekterdiń barlyǵyn ánshi Danııar Ótegen oryndap shyqqan.

«Ótken jyly biz «Kıno týraly» zań jobasyna qazaq tilindegi kontenttiń teń qoljetimdiligi jaıly  usynymdardy  shyǵarǵanbyz. Usynystarymyz qabyldanǵan  zańǵa enbese de, jumysymyzdy sol baǵytta ári qaraı jalǵastyramyz. «Ózińnen basta» jobasyna demeýshilik kórsetip jatqan bıznes ókilderine, kompanııalarǵa sheksiz alǵysymdy bildirgim keledi. 8 jyl ishinde 4 mln dollardan astam qarjy jınaldy.  Osylaısha bıznestiń kómegimen búgin sheteldik kınonyń qazaq tilindegi qory qalyptasyp, balalarymyz súıikti Disney keıipkerlerin tamashalaı alady. Sonymen qatar sońǵy eki jylda  onlaın-kınoteatrlar men Disney aramyzdaǵy ornaǵan seriktestigimizdiń  arqasynda dýblıajdalǵan fılmderdi kez kelgen ýaqytta kórýge bolady», - deıdi Dınara Shaıjúnisova.

«Oıynshyqtar hıkaıasy-4» týyndysyn qazaqsha saýndtrekpen árlegen Danııar Ótegen Walt Disney Pictures stýdııasynyń daýys bazasyna 100-den astam qazaqstandyq akter engenin aıtty.

«Bul otandyq akterlerdiń múmkindigin keńeıtedi. Daýystar bazasynda bizdiń akterlerdiń bolýy fılmderdi dýblıajdaý jumysyn jedeldetetin bolady. Sondyqtan bul isti bolashaqtyń qamyna jasalǵan sharýa dep aıtýǵa bolady», deıdi ánshi.

20 maýsymnan bastap kórermenge jol tartatyn «Oıynshyqtar hıkaıasy-4» fılmin dýblıajdaý shyǵyndaryn BI Group qurylys kompanııasy kótergen.

«BI Group holdıngi jańa fılmniń qazaqsha dýblıajyna qoldaý kórsetti. Bul osymen biz qoldaý kórsetip otyrǵan segizinshi fılm. «Aladdın», «Dambo», «Arystan patsha» sekildi sheteldiń tanymal fılmderi qazaq tilinde sóılese - bul memlekettik tilimizdiń de mereıi artady. Biz aldyńǵy kezekte ana tilimizdi damytatyn jobalardy qoldaýǵa tyrysamyz. Sonyń arqasynda qazaqstandyq balalardyń sapaly kınokontentke qoljetimdiligi arta túsedi. Joba mańyzdylyǵyn eskere otyryp, 2018-2019 jyldar aralyǵynda biz, 400 mln tengege qarjylaı kómek kórsetken edik. Onyń ishinde 2018 jyly - 150  mln tenge, 2019 jyly - 250  mln tenge. Alda kele jatqan 2020 jyly 350 mln tengege qarjylaı qoldaý kórsetýdi josparlap otyrmyz. Kınony qazaqsha sóıletý arqyly úı-ishimizdi qazaq tilinde sóılete alatynymyzdy túsinetin ýaqyt jetti. Úıde qazaqsha sóılesek te, balalardyń tili oryssha shyǵyp jatady. Sebebi, kóretin mýltfılmderi oryn tilinde. Qazaqstandaǵy bıznes ókilderine úndeý joldaǵym kelip otyr. Bul iske barshamyz qoldaý kórseteıik», - dedi BI Group kompanııasynyń  qurylys ındýstrııasyn tsıfrlandyrý jónindegi dırektory Ashat Turǵynbekuly. 

 

 

Avtor Esimjan Naqtybaı
Basty sózder: BAQ, Óner, Mádenıet, Til,
Joǵary qaraı