Aýa raıy
Astana -7 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

1 maýsymnan bastap kimderdiń jalaqysy kóteriledi

2019 jyldyń 26 naýryz 2019 14:07

NUR-SULTAN. QazAqparat - 1 maýsymnan bastap 1,5 mıllıon adamnyń jalaqysy kóteriledi. Bul týraly búgin Úkimet úıindegi baspasóz máslıhatynda QR Premer-Mınıstriniń orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.

«Taıaýda Qazaqstan Prezıdenti Qasym-Jomart Toqaev jalaqyny kóterý merzimin aǵymdaǵy jyldyń 1 shildesinen 1 maýsymǵa jyljytý týraly tapsyrma bergen bolatyn. ıAǵnı, bir aıǵa alǵa jyljyp otyr», - dedi mınıstr.

Onyń atap ótýinshe, osyǵan oraı atalǵan maqsatqa qosymsha 37,8 mlrd teńge baǵyttaý josparlanǵan.

«Alýshylar kontıngentiniń aıasy burynǵysha, ıaǵnı 1,5 mln adam. Bilim berý salasynda - balabaqsha tárbıeshileri, olardyń kómekshileri, kolledj oqytýshylary, muǵalimder, ádiskerler, psıhologtar jáne basqa da jumysshylar. Densaýlyq saqtaý salasynda - dárigerler, orta jáne kishi medıtsınalyq qyzmetkerler, medbıkeler, laboranttar, sanıtarlar, jumysshylar, júrgizýshiler jáne basqalary. Áleýmettik salada, mádenıet pen sportta, aýyl sharýashylyǵynda jáne basqa da salalarda - azamattyq qyzmetshiler, ákimshilik jáne tehnıkalyq qyzmetkerler, jumysshylar, sonymen qatar orta jáne tómen býyndaǵy oblystyq, aýdandyq jáne aýyldyq deńgeıdegi memlekettik qyzmetshiler», - dedi ol.

Osy oraıda mınıstr shyǵys kóleminiń ózgerýine qatysty usynystar Memleket basshysynyń kelisimine jiberilgendigin aıtty.

«Bul 37,8 mlrd teńgeni quraıdy jáne Memleket basshysynyń kelisimine jiberildi. Sodan keıin taıaý kúnderi atalǵan soma 2019 jylǵa arnalǵan naqtylanǵan bıýdjette qabyldanýy úshin Parlamentke jiberiledi. Bıýdjet qazirgi ýaqytta Parlament qaraýynda jatyr», - dedi Á.Smaıylov.

Joǵary qaraı