Ауа райы
Астана 20 °С
Алматы 34 °С
валюта бағамы
USD 384.52
EUR 431.32
RUB 6.10
CNY 55.89

Жастар жылында іске асырылатын шаралар

2019 жылдың 25 маусым 2019 17:31 1605

НҰР-СҰЛТАН. ҚазАқпарат - «Жас маман» бағдарламасы бойынша 200 мыңнан астам маман дайындалады. Бұл туралы халықпен есептік кездесуінде ҚР Ақпарат және қоғамдық даму министрі Дәурен Абаев мәлім етті, деп хабарлайды ҚазАқпарат тілшісі.

«Министрлік жұмысының негізгі басымдықтарының бірі жастарды қолдауға арналған. Жас қазақстандықтардың өзекті проблемаларын тиімді шешу үшін Жастар жылын жүзеге асыру бойынша Жол картасы бекітілді. Оның аясында 89 шара қарастырылып отыр», - деді министр.


null 

Осы орайда  Нұр-Сұлтан, Алматы және Шымкент қалаларында жұмыс істейтін жастарға бір мың жалға берілетін пәтердің құрылысы ескерілген. Министрлік жалға берілетін баспананы ұсыну бойынша тиісті ережені әзірледі және оны 2019 жылдың 1 тамызына дейін бекіту жоспарланып отыр.

Екіншіден, жастардың кәсіпкерлік бастамаларын қолдау қамтылды. Ол үшін арнайы «Жас кәсіпкер» жобасы дайындалды.

Үшіншіден, кәсіпкерлік негіздеріне үш жылдың ішінде 50 мың студентті оқыту көзделіп отыр. Сонымен бірге, мемлекеттік гранттарды жас кәсіпкерлерге ұсыну қарастырылған.

«Төртіншіден, білім беру мен волонтерлікті дамыту аясында жастар арасында «Жас маман» бағдарламасы әзірленді. Жоба аясында ел бойынша оқу орындары үшін 400-ден астам заманауи жабдықтардың жиынтығы алынады», - деді ведомство басшысы.

Бағдарлама нәтижесінде 210 мыңнан астам білікті кадр дайындықтан өтеді, сондай-ақ 15 мыңнан астам оқытушы біліктілігін арттырады.

«Бесіншіден, жас ғалымдардың іргелі және қолданбалы зерттеулерін гранттық қаржыландыруды жылына 3 млрд теңгеге арттыру жоспарланып отыр», - деді министр.


null 

 

 

Жоғары қарай