Ауа райы
Астана -13 °С
Алматы -2 °С
валюта бағамы
USD 378.60
EUR 417.75
RUB 6.13
CNY 54.58

Жамбылда бес күнде 26 келіден астам марихуана тәркіленді

2019 жылдың 7 қазан 2019 22:55

ТАРАЗ. ҚазАқпарат – Жамбыл облысында есірткі таратуға қарсы жедел алдын алу іс-шаралары кезінде 17 қылмыстық құқық бұзу фактісі анықталды, деп хабарлайды ҚазАқпарат тілшісі.

Бес күндік шара нәтижесінде заңсыз айналымнан 26 килограммнан аса марихуана есірткі заты тәркіленді.

«Облыстық полиция департаменті есірткі қылмысына қарсы күрес басқармасының қызметкерлері Тасөткел ауылынан 2 шақырым жерде меркілік азаматты ұстады. Ұсталған 42 жастағы тұрғыннан салмағы 14 келіге жуық есірткі заты табылды. Күдікті өз кінәсін мойындап, Шу қаласының уақытша ұстау изоляторына қамалды. Бүгінде сотқа дейінгі тергеу амалдары жүргізілуде. Бұл - іс-шара кезінде анықталған 17 қылмыстық фактінің біреуі ғана»,-дейді аталмыш департаменттің баспасөз қызметінің жетекшісі Гүлсара Мұхтарқұлова.

Сондай-ақ, операция барысында қару-жарақ пен оқ-дәріні заңсыз сақтау фактілері де әшкере болған.

Жоғары қарай