Ауа райы
Астана 28 °С
Алматы 35 °С
валюта бағамы
USD 383.01
EUR 430.12
RUB 6.10
CNY 55.70

Үндістанды аптап ыстық буып тұр: 29 адам ажал құшты

2019 жылдың 17 маусым 2019 00:17 1038

НҰР-СҰЛТАН. ҚазАқпарат - Бір айдан бері Үндістанның солтүстігі мен шығысын аптап ыстық буып тұр. Елдің солтүстік шығысындағы Бихар штатында кем дегенде 29 адам көз жұмды, деп хабарлайды Times of India газеті.

Басылымның деректеріне сәйкес, қайтыс болғандардың басым бөлігі - 25 адам Аурангабад округінің тұрғындары, қалған төртеуі Навада және Гайя округтерінен.

 Бұлардан басқа тағы 30-дан астам адам ауруханаға жатқызылған.

Бихарда соңғы бірнеше апта бойы  бұл маусымға тән емес аптап ыстық сақталып тұр. Термометр бағаны күндіз 40 градустан төмен түспейді. Ал Нью-Делиде 10 маусымда 50 градустан асып кетті. Бұл Үндістан астанасы тарихындағы ең жоғары температура.

Биыл муссонның Үндістанға кешігуі ауа райының ұзақ уақыт ыстық болуына соқтырды.

Синоптиктердің атап өтуінше, 30 күннен бері аптаптың беті қайтпай отыр.

 

 

Басты сөздер: Ауа райы, Әлем,
Жоғары қарай