Ауа райы
Астана 27 °С
Алматы 23 °С
валюта бағамы
USD 386.82
EUR 428.67
RUB 5.86
CNY 54.95

Үндістанда су тасқынынан 11 адам қаза тапты

2019 жылдың 15 шілде 2019 07:50 174

НЬЮ-ДЕЛИ. ҚазАқпарат – Үндістанның солтүстік-шығысындағы Ассам штатында 2,6 млн астам адамға су тасқынынан қатер төніп тұр, деп хабарлайды ҚазАқпарат ТАСС агенттігіне сілтеме жасап.

Табиғат апатынан осы уақытқа дейін 11 адам көз жұмды. Оған бір аптадан бері толассыз жауған нөсер себеп болды. Су тасқыны 3 мыңға жуық елдімекенді қамтыған. 17 мың адам жергілікті билік ұйымдастырған уақытша лагерьге жайғастырылды. Жергілікті NDTV телеарнасының мәліметінше, штаттағы 33 округтың 28-інде сел жүріп, 87 мың гектер ауыл шаруашылығы жері су астында қалған.

Нөсер жауын мен су тасқыны Ассамның инфрақұрылымын қиратып кетті, көптеген жолдар мен көпірлер бүлінген. Атақты Казиранга қорығының басым бөлігін су басты. Айта кетейік, мұнда үнді мүйізтұмсығы және басқа да сирек кездесетін жануарлар мекендейді.



Фото: AFP

Жоғары қарай