Ауа райы
Астана -19 °С
Алматы -3 °С
валюта бағамы
USD 380.84
EUR 419.50
RUB 6.05
CNY 54.90

Түркістанда жоғалған 14 жасар қыз Алматыдан табылды

2019 жылдың 12 желтоқсан 2019 09:32

ТҮРКІСТАН. ҚазАқпарат – Түркістан облысы полицейлері анасына ескертпестен Алматы қаласына қыдырып кеткен 14 жасар қызды үйіне қайтарды, деп хабарлайды ҚазАқпарат тілшісі.

Полицияның хабарлауынша, Жетісай АПБ-не жергілікті тұрғын арызданып келеді. Ол өз арызында кәмелет жасына толмаған қызы түнгі уақытта үйінен белгісіз бағытқа шығып кетіп, қайта оралмағанын айтқан.

«Із-түссіз жоғалған 14 жасар қызды іздеуге барлық тиісті шаралар қабылданды. Іздестіру барысында, қыздың Алматы қаласында екені анықталды және Алматы-Жетісай бағытындағы автобуспен келе жатқаны белгілі болды», - деді полиция қызметі.

Тергеу барысында анықталғандай, қыз өзінің кәмелет жасына толған дос қызымен бірге Алматы қаласына кетіп, сонда таныстарымен қыдырған екен.

Тәртіп сақшылары оны аман-есен анасына табыстады. Сонымен қатар, анасымен профилактикалық жұмыстар жүргізілді.
Автор Айнұр Ақбаева
Басты сөздер: Түркістан облысы, Оқиға,
Жоғары қарай