Ауа райы
Астана 18 °С
Алматы 32 °С
валюта бағамы
USD 384.52
EUR 431.32
RUB 6.10
CNY 55.89

Түркістанда «Төле би» телехикаясының тұсаукесер көрсетілімі аншлагпен өтті

2019 жылдың 19 маусым 2019 11:00 1239

ТҮРКІСТАН. ҚазАқпарат - Түркістан облысының бір жылдығы мерекесі аясында «Төле би» телехикаясының тұсаукесері өтті. Түркістан қаласында ұйымдастырылған  телехикаяның тұсаукесер көрсетілімі аншалагпен өтті, деп хабарлайды ҚазАқпарат тілшісі.  

Қ.А.Ясауи атындағы ХҚТУ Мәдениет орталығында өткен іс-шараны Облыстық мәдениет басқармасының басшысы Нұрдаулет Исабек ашып, облыста кино өнеріне зор үлес қосып жүрген өнер майталмандарына алғысын білдірді. «Төле би» тарихи фильмінің тұсаукесері  елордамыз Нұр-Сұлтан қаласында жоғары деңгейде өткенін атап өтті.

«Бұл «САҚ» киностудиясы мен «Оңтүстікфильм» КММ-нің бірлесіп түсірген бірінші және соңғы фильмі емес. Тек облысымыздың мақтаныштары ғана емес, сонымен бірге еліміздің мәдениет саласына, оның ішінде кино өнерінің тың идеяларымен жаңаша дамуына үлкен үлес қосуда. Осындай жаңа дүниелермен кинофильмдер қоржынын толтыра беріңіздер»,- деді басқарма басшысы.

Іс-шараға сондай-ақ, ҚР Еңбек сіңірген қайраткері, «Құрмет» орденінің иегері, «Төле би» фильмінің көркемдік жетекшісі Сатыбалды Нарымбетов пен телехикаяның сценарисі, жазушы - Шойбек Орынбай, фильмнің бас режиссері Батырхан Дәуренбеков, Төле би рөлін сомдаған - Сағындық Жұмаділ, Төле бидің жігіт кезін сомдаған талантты актер - Абзал Төлен, тағы да басқа барлық актерлар мен түсірілім тобы, «САҚ» киностудиясының шығармашылық ұжымы қатысты. Көрсетілім  соңында басқарма басшысының орынбасары Асылхан Темірханұлы бірқатар өнер иелерін облыстық мәдениет басқармасы басшысының алғыс хатымен марапаттады. Көрермендер жаңадан жарыққа шыққан көркем фильмді ерекше ықыласпен тамашалап, тарқасты.



null 

null 

null 

null 

 

 

Жоғары қарай